分類: 生活

　　無王管倒數最後一天，預計阿爸阿媽明天回來。
　　早前日記還寫過我觀看的晨早二百米競跑，勢估不到今天竟然要來個親身體驗，所以特別弄個圖解給大家講解一下。上次說的劉馬仔好建議，就是圖中藍虛線所指，擺放於馬路中心的石墩。本來愉翠苑的居民要搭經大老山的巴士，都會在圖中1字的地方過馬路，但由於不聽居民建議而設置的交通燈（遠到幅圖都顯示不到！），令居民要走一個U型的路線到對面籃球場對出的巴士站。當你背著巴士站走前半段路時，真的要時常向左後望看看有沒有巴士到站，看真點這段距離可能分分鐘超過二百米。
　　今早當我如常走到1的位置時，竟驚見這架有遲無早每起碼十五分鐘才一班的84M正在上客，比起平時慣常到站時間早了起碼五分鐘。弊！走了這一班就極有可能遲到（打工仔遲到俾老闆鬧架！），而眼前已有位男同學甲奮勇跨石墩衝往巴士。我實在無能力像同學甲般跨石墩，唯有學上次四眼哥哥般開始競跑。毫無熱身無跑鞋還要身穿西服的我跑步追車，短距離的還可以，像圖示要由1跑到3的距離就真係幾辛苦。當我一股作氣起勢地跑時，巴士已離站，這時我還在努力跑到2的位置。尤幸巴士遇到2處的紅燈而令我有更多的時間可以繼續跑……
　　當我跑到2時，那刻已開始無氣了，但眼前仍有起碼百多二百米要跑，好辛苦呀地追呀追，這時我可以感受到上次四眼哥哥競跑的壯舉！一邊與時間競賽，一邊又要追車，還要像傻仔般被整架巴士的人看著我跑……終究我其實是追不到那輛84M的，但可能我的意志可嘉，又可能成車人也在笑彎腰，司機叔叔在永得利大廈站處停車等我（此時我大約跑到2與3間的三分之二），終於跑到死下死下後仍可上到這班車，一上車受到司機叔叔的稱讚：「好野喎，睇住你追車！」噢賣噶！係，成車都睇住我，真係夠晒樣衰……但上車一刻基本上我已經無晒氣，累死我，攪到我搭地鐵時都仲有點氣促……
　　下次都係寧願俾人鬧都唔跑到死死下……… 繼續內文

　　無王管倒數第八日，感覺時間飛逝，日日回到家已經累得想睡，實在無時間去想寂不寂寞的問題。
　　近日香港到處都興起一陣狂熱，甚麼事也可以變成一個熱門話題。中國第一個土法宇航員楊利偉到港，拿入場券參觀的竟連凌晨時份的也照殺，試問曾幾何時見過香港人三更半夜去參觀太空的東西？太空館肯定從未見過如斯湧躍的場面！
　　一個維港巨星匯可以講完再講、講完再講又再講，完全陷入混亂狀態。本來一個維港巨星匯是用來振興被沙士打殘的香港，現在竟變成自己人打自己人，被一大堆公眾質詢到飽。
　　王見秋法官跟胡紅玉的大爭吵，到現在為止我都答你唔到究竟邊個對邊個錯，但鬧是仍然未停的，到底平機會用來幹麼？
　　我老闆也狂熱於公司裝修，格局可以變完再變，再三變完後又還原……我們像傻仔般每天上班只想著怎樣搬，過了辦工時間後大家齊齊做義工去做回平日的工作。
　　你說，這不叫狂熱叫甚麼？… 繼續內文

　　無王管倒數十八日，爸媽玩完迪士尼現在身處環球片場豬羅記公廁門外，我又想玩呀！今晚一定要再發夢。
　　袓母的追魂CALL越趨升級，已經達到每小時來一發的階段，其實次次對白都係咁駛乜日日打來，都過晒十八歲啦，仲晚晚打來叫你快睡（八點幾睡乜），平時又唔見咁多追魂CALL，爸媽不在家就咁玩法，真係頂佢唔順，咁攪法真係遲早神經衰弱。好明顯佢無聊到發瘋，無野做好心就掃下自己屋企或睇電視，唔好煩我及妹子。我們雖然唔煮飯，但每天也掃地執拾做家務，絕對唔得閒應酬佢。祖母大人，請你放過我們，唔好狂發追魂CALL給我們！同埋得閒真係執下你間屋，你個小強樂園唔係個個欣賞的。… 繼續內文

　　無王管倒數廿日，阿爸阿媽去了科羅拉多迪士尼。昨晚跟妹子玩煮飯仔，買了個特價盤菜回來再灼熟白菜仔，我說過無論幾難食都要食晒佢！結果煲飯因為水小有點硬，除此都總算在家煮過一餐飯！不過未試過真係唔知，原來在超市都好多似我般是懶鬼或唔識煮飯的人，排隊排我前面的姐仔比我買了更多微波爐食品及日清美味寶！
　　爸媽去了旅行，家中大小事務要我跟妹子攪惦，真係幾累。做過才知，要料理家務都幾累人，平時要番工番學的我們，回到家要攪東攪西，雖然平日已經出街食（放工番到來都成七點幾，無時間買及煮飯），但都弄得我們很累，昨晚自己攪除了要煮外，飯後洗碗原來仲煩，真很配服時下要兼顧工作及家庭的職業女生，真係無得頂！實在要向這班超人太太們致敬！下星期不如都係出街食好過。
　　話又說回來，祖母大人的無敵奪命CALL真係幾厲害，晚間準時每一個鐘都幾乎打來，都跟她說了夜晚放工放得遲，無咁早回家，依然依時依候打來，很嘈呀！仲要千方百計想盡各種方法阻止她失驚無神闖入來，原來呢樣野比做家務仲要辛苦得多，給了我跟妹子無窮無盡的心理壓力，呢要先最要命啊！… 繼續內文

　　無王管倒數廿一日，教了阿妹掃地，清理了家中所有垃圾桶，加了熱水，仲有乜做？阿爸阿媽原來已去完尼加拉瓜大瀑布，等我仲以為佢地暢遊紐約而擔心那架渡輪意外，點知原來佢地根本去左第二度，跟著又等飛機去科羅拉多迪士尼，我都想去呀！一於今晚發夢夢遊去……
　　是日晚餐叫了香煎松板牛柳配芝麻飯，落柯打時阿姐問我們要幾成熟時，我已覺得有點奇怪，點知上檯時嚇了一跳，簡直是一個魔王牛扒的翻版，上碟的竟是兩塊各有超過二點五厘米厚度的牛柳！每塊大約三分二拳頭大小，真係食完飽到上心口，仲遇著老闆獻技的日子，甜品是即製芒果班戟，今餐真係超飽！… 繼續內文