始終也不太明白公司的經理們的腦袋究竟生在哪裏？性格不知所謂已是事實，毫無EQ就更是一早知，只知叫人用腦，她們卻全不懂用腦，唉！好心做到咁高級就用下腦，我們這些這麼低級的人鬼識做你那些咁高B的工作咩？識做就坐了你個位好耐啦！都唔用下腦。
今日又俾變態經理二號佔用我的休息時間，正一無良，初初話幫佢借FILE，結果又是被洗盡，做下做下先發覺自己完來做了Working，仲要無鐘篤，仲成日退貨，你一開波講明要我做Working咪唔駛退咁多次貨囉！如果唔係我想話整齊些你個Working都唔會變出來，一開波又唔講，點估你呀大佬！用腦啦！我唔係你肚裏條蟲，點知你鍾意乜。
另外今天有奧斯卡呀！好野，無羅素高爾份！正呀！… 繼續內文
踩場
捱過廿四小時以後，霉運開始消散了……希望好運快些光顧吧！好運快來！
今天的工作被安排踩場，去了安達信做TESTING，人家的接待處跟自己公司也差不多呢，只不過是顏色不同罷了。安達信自從發生Enron事件後好像沉了一陣子，最攪笑我老細叫我去睇下人家是否士氣低落，因為有傳會被PKMG收購嘛……哈哈！不過今天都算OK啦！由最黑的一日開始走回正常的軌道，一切又回復正常。… 繼續內文
黑過墨斗的一天
由零晨零時零分開始，已開始我極度霉運的一天了。
事件一：過了十二點想列印功課出來研究，沒想到唔多生性的印表機竟在這時罷工抗議，經鞭打後仍然我行我素，我正考慮將其炒魷。
事件二：上網查閱我會計師試的成績，噢！炒了一科，天啊！又要浪費金錢考過，天啊！
事件三：一早回公司想話列印功課，經測試後所有印表機都不聽話，沒一部給我列印，只會不停嘔白紙。
事件四：今次份JOB又係上次阿變態經理，一如所料將你洗盡，乜野都俾晒你，食蕉啦今次。
事件五：今次份JOB雖簡單，卻舊年份Working又係廢物，又要執番晒D FORMAT，點解我份份JOB都要咁？
事件六：四日一份JOB時間已經唔長，仲無啦啦整多份P-FUND你嘆，死得啦！
事件七：放工拿東西回青衣，路經海邊竟遇三條死飛仔，在我面前詳談食丸仔的份量要一早幾多夜晚幾多……大佬，拍丸唔該行埋一面，唔好攔路呀！
事件八：唔記得一朝早搭地鐵時竟遇兩女打架，結果要站長充當拳証分開二人，阻延我番工時間。
事件九：番屋企時架巴士壞車塞住，又要等耐些才可回家，真係……
總體來說今天真是霉運到極點！不過，我雖然成個人沉晒，但仲未死得，放心啦經理，我會同你玩到底！Come On!… 繼續內文
伴我同行
最近亞視推出的《伴我同行》十分好看，除了有扮演徐志摩的靚仔黃磊以外，故事也十分吸引。小瓊小時候不幸致雙目失明的那段十分感人，也改變了三個小孩子的命運，是一套絕對值得一看的片集，連我這樣的忙錄每晚也務必看罷錄影帶才睡。
近來的日子還是這般，天天工作極忙亂，思想不懂去運算，似失去能源……幸好今天組成了功課十人組，大家發揮團隊精神，一人做一條，省回不少時間，太好了！… 繼續內文
第一次出外工幹
活了這麼久，出來做事一段日子，還是第一次出外工幹（雖然只是深圳），第一次自己執拾行裝，第一次自己殺上深圳，第一次自己用唔咸唔淡的普通話問東問西，第一次單槍匹馬自己做很多東西，經驗算是賺到了，三天兩夜的行程真是做足全程，一早起身便趕往工作，午飯及晚飯後仍是工作，就是這樣，沒有其他東西了。… 繼續內文