今日報紙談「反生產行為」，即指在辦公室內，進行只對個人有益，但對僱主、同事或顧客構成利益損害的行為，其實睇過張名單，果堆行為，都無乜邊個真係一項都無做過……
．講私人電話：唔多唔少一、兩個處理私務電話，例如師奶打番企管仔、今晚去邊度食飯等，點都會有喎……
．影印私人文件：屋企無影印機嘛，一、兩張省番個一蚊幾毫……
．說上司同事是非：基本上寫字樓都係是非之地，唔講是非係會悶死架喎！
．辦公時間內外出處理私人事務：鬼叫D銀行呀餵雞公會呀係辦公時間至開咩！Lunch人多到嘔架！
．故意拖慢工作進度：做得太快只會招致更多工作，個個都係拖得就拖，以顯示自己的「正常」工作能力。
．上司放假時，遲到或早退：無王管仲唔閃呀攤抖下咩？
．拿取公司物資（如文具）回家：反正都係大量入貨有折扣，平過自己買啦，有時又入貨太多，廢事公司果堆等到過期啦！
．玩ICQ電腦遊戲：悶嘛，不過近來公司BLOCK晒，想玩都無得玩！
．「詐病」沒有上班：有時都想抖番日，特別係通頂過後，又或之前假期玩得太癲之後，廢事演變成真病啦！
．向同事公報私仇：要對事不對人，根本無可能，唔多唔少總有小小報仇feel，講就容易。
．下注賭博（如六合彩及賽馬）：基於本人對賭博的無興趣，呢個不太適用於小妹。
係咪呀？都幾難一項都無做過了！其實主要睇下呢堆「反生產」行為會否影響到正常工作，如果不影響，有時我覺得呢堆行為反而令員工釋放壓力提高生產水平喎！