美力健能

這個阿Dee笑死人  到底美力健能是甚麼來的?成日在電視看到那個媲美文理泳會的超級難頂廣告,每次看後除了覺得難頂,點解個廣告仲有得播外,都有一個疑問,到底美力健能是乜東東芫茜葱?我們又做乜要信那個阿Dee呢?找個這麼型格上有點似周文健的男人出來,難道美力健能是壯陽產品?買一個可以用一世,咁勁功效?回春產品?總之一見到這個阿Dee廣告,就是笑死及一堆這是甚麼的疑問。
  今天追看The Closer時,又見到這個老土廣告。那一大堆疑問又再上腦……
  「想知美力健能有幾好,就黎問吓我阿Dee啦!」點解要問你阿Dee呢?乜水呀你?
  「掛住美力健能,開心快活做人!」可以咁快活,仲搵件咁款猛男賣廣告,仲唔係壯陽產品?
  「咁咪咩煩惱都冇晒?」係咪勁過偉哥的?可以乜煩惱都冇晒,勁呀!
  「買一個.用一世」咁抵?一個可以用成世,駛唔駛洗架?到底點用架?
  結果今日終於忍受不了上網查查看,原來美力健能係……由美國引入的調頻體,「調頻體是利用尖端科技將聲波頻率儲存於天然石英內,而調頻體所釋放之聲波頻率對應人體上半身前方穴位相輔相成而達到一個平衡和諧之效果。其針對性人體循環系統作出一個整體性改善。」其實都唔係太知是實則是乜東東,但原來美力健能唔係男士用品黎架……完全受呢個阿Dee誤導呀!(人家幾時誤導你?)啊呵呵呵呵(千歲式笑法)!我想,大概是那些保健產品吧,還有,原來這個模樣的阿Dee,是代理公司的市場總監黃先生。

發佈留言

發佈留言必須填寫的電子郵件地址不會公開。 必填欄位標示為 *

*