呵呵呵，又係八卦迷信時間，本小姐對這些八卦無聊之事最具興趣，今期方向日報又玩新野，我當然又不執輸地照玩可也，測試結果如下：
內在性格為八號仔，原文「性格健談，天南地北、上至天文下至地理的話題無所不談，但說話很有分寸，不易得罪人，是一個值得信賴的人。」都幾準，的確好喜歡雞啄唔斷，但我說話有分寸嗎？不知道……值不值得信賴更加不敢說……
外在性格為四號仔，「性格謹慎，凡事都深思熟慮，而且實事求是，做事非常穩陣。」唔，實事求是係對的，深思熟慮要視乎情況而定，我個人比較轉動得快，一時可以好深思熟慮（即係猶豫不決），一時又可以好快作決定（即係衝動囉），咁叫唔叫做非常穩陣呢？
整體性格係三號仔，「性格樂觀，凡事都向好的方面想，比較喜好玩樂及自由自在的生活，熱愛藝術。本身極具魅力，對異性尤其有吸引力。」本小姐對最後那句抱持超不同意態度！我都好想係咁……至於喜好玩樂及自由自在的生活，絕對正確，藝術呢家野，如果電視、電影同漫畫都劃入藝術呢個範疇，咁我都算熱愛的。樂觀都可以咁講，我的性格可以好快大起大落，呢一刻被完全擊沉，五分鐘後可以因為發小姐脾氣突然回升至頂點，問你怕未？長遠拉曲線來看都算屬樂觀一面。
好，玩完後覺得呢個占卜（或性格分析或心理測驗）都係差不多，同之前講的差不多，似玩完自己分析自己差不多。