TabiLand

　　無王管倒數十八日，爸媽玩完迪士尼現在身處環球片場豬羅記公廁門外，我又想玩呀！今晚一定要再發夢。
　　袓母的追魂CALL越趨升級，已經達到每小時來一發的階段，其實次次對白都係咁駛乜日日打來，都過晒十八歲啦，仲晚晚打來叫你快睡（八點幾睡乜），平時又唔見咁多追魂CALL，爸媽不在家就咁玩法，真係頂佢唔順，咁攪法真係遲早神經衰弱。好明顯佢無聊到發瘋，無野做好心就掃下自己屋企或睇電視，唔好煩我及妹子。我們雖然唔煮飯，但每天也掃地執拾做家務，絕對唔得閒應酬佢。祖母大人，請你放過我們，唔好狂發追魂CALL給我們！同埋得閒真係執下你間屋，你個小強樂園唔係個個欣賞的。… 繼續內文

　　爸媽去了旅行的周末下午，比較清閒所以清理一下積存未看的DVD，也終於看了韓片《假如愛有天意》。這套片早前在港上映時朋友也有推介我去看的，奈何實在抽不到時間、金錢及精神跑入戲院，故唯有在家看碟了。
　　說回這套戲，主要是講媽媽及女兒面皆面對一個涉及朋友的三角關係，上一代珠喜（母）在鄉間遇到俊河並大家一見鍾情，惜珠喜出身名門望族，管教極嚴，因珠喜及俊河夜歸而將珠喜送回漢城。在漢城他們重遇，中間卻夾著珠喜的未婚夫、俊河的朋友泰秀。梓希（女）跟友人秀景雙雙暗戀戲劇學會的尚民，秀景要梓希代寫情書給尚民而與尚民成為一對，卻也始終掩不住自己對尚民的情感。
　　整體來說這套片我覺得是Oaky的，但略嫌拖得長了一點，尤其是結局時，我簡直對拖來拖去也不出字幕的劇情有點火滾，但整套片當中的某些場面我卻覺得拍得不錯。像許多人一樣我也覺得母親一段拍得較好，而珠喜的敢愛也比梓希好。有幾段很好的如俊河學划船來載珠喜去探鬼屋，與及尚民留下傘子去跟梓希一同淋雨到後來梓希知道真相而確定尚民對她的愛，我都覺得拍得不錯，打仗出發前也很動人。但打仗那節其實可以刪去，俊河跟珠喜戰後重逢那段可以唔駛喊咁耐，最後尚民拿條熟口熟面的鍊出來時其實便可以收工，之後的仲要拖了這麼久才出字幕真係勁拖……
　　好，今次影評係咁先。

假如愛有天意（引自某網友填的詞 ）
當分開拼命要去追　未覺妳我今生已難聚，
是錯的希冀永沒法猜得對　仍未變心甘願沉睡。
當冬天片葉四散吹　就算雨遍身心也無懼，
預計的一切似霧去煙消退　留住昨天今夕蒙罪。
撥進髮堆夢飛絮　不羈的心記得多年血淚。
幻覺半生無字句　看蒼天在流淚。
怨一生未重聚… 繼續內文

　　無王管倒數廿日，阿爸阿媽去了科羅拉多迪士尼。昨晚跟妹子玩煮飯仔，買了個特價盤菜回來再灼熟白菜仔，我說過無論幾難食都要食晒佢！結果煲飯因為水小有點硬，除此都總算在家煮過一餐飯！不過未試過真係唔知，原來在超市都好多似我般是懶鬼或唔識煮飯的人，排隊排我前面的姐仔比我買了更多微波爐食品及日清美味寶！
　　爸媽去了旅行，家中大小事務要我跟妹子攪惦，真係幾累。做過才知，要料理家務都幾累人，平時要番工番學的我們，回到家要攪東攪西，雖然平日已經出街食（放工番到來都成七點幾，無時間買及煮飯），但都弄得我們很累，昨晚自己攪除了要煮外，飯後洗碗原來仲煩，真很配服時下要兼顧工作及家庭的職業女生，真係無得頂！實在要向這班超人太太們致敬！下星期不如都係出街食好過。
　　話又說回來，祖母大人的無敵奪命CALL真係幾厲害，晚間準時每一個鐘都幾乎打來，都跟她說了夜晚放工放得遲，無咁早回家，依然依時依候打來，很嘈呀！仲要千方百計想盡各種方法阻止她失驚無神闖入來，原來呢樣野比做家務仲要辛苦得多，給了我跟妹子無窮無盡的心理壓力，呢要先最要命啊！… 繼續內文

　　無王管倒數廿一日，教了阿妹掃地，清理了家中所有垃圾桶，加了熱水，仲有乜做？阿爸阿媽原來已去完尼加拉瓜大瀑布，等我仲以為佢地暢遊紐約而擔心那架渡輪意外，點知原來佢地根本去左第二度，跟著又等飛機去科羅拉多迪士尼，我都想去呀！一於今晚發夢夢遊去……
　　是日晚餐叫了香煎松板牛柳配芝麻飯，落柯打時阿姐問我們要幾成熟時，我已覺得有點奇怪，點知上檯時嚇了一跳，簡直是一個魔王牛扒的翻版，上碟的竟是兩塊各有超過二點五厘米厚度的牛柳！每塊大約三分二拳頭大小，真係食完飽到上心口，仲遇著老闆獻技的日子，甜品是即製芒果班戟，今餐真係超飽！… 繼續內文

☆　無王管倒數廿二日，今天掃地好求其。
☆　新來的直屬老闆有點唔惦，樣樣野都攪好耐，希望只是適應期的緩衝，否則……
☆　本人保持一貫的工作態度，有野來盡快攪惦，你點review是你的問題。
☆　好鬼累，我要睡覺了。… 繼續內文