第一次看法國電影，對著滿場對白也是法文有點不太習慣，也未看過女主角Audrey Tautou之前另一套作品天使愛美麗，故無從比較。一次世界大戰背景已經由於太討厭History全數送回給Miss，所以連故事背景也不太清楚。就因為這堆不習慣及唔清唔楚，所以起初覺得這套美麗緣未了有點悶，真的有點「完未了？」的感覺。不過整齣戲看完後，又覺得這齣電影不錯，雖然個結局有小小老土……
故事開首描述了五個參予一次世界大戰的法國士兵，因為種種原因自殘而渴望可以因此而早點退役，卻給軍事法庭判以死罪被流送到與德軍交戰前線的戰壕，沒有食物沒有武器，由得他們餓死凍死或是給炮彈打中「為國捐驅」。女主角Audrey扮演的瑪蒂便是這五名被判死罪的士兵中最年青的一員馬力治的未婚妻。瑪蒂一直深信這件事另有內情，也不相信馬力治已死，因為她認為如果未婚夫已死，她一定會知曉。如是者，瑪蒂刊登報章廣告、找私家偵探及去翻查軍方紀錄，抱著未婚夫未死的希望去追尋下去。
起初我以為係一個萬里尋夫記的故事，不過其實是透過瑪蒂的追查，帶出其餘四個同樣被判死罪士兵的故事，再藉著這些故事去反映出戰爭的殘酷與及人性的反省。劇中幾個女角也是堅毅不屈的女性，如茱迪科士打客串的一個死罪士兵的情人、為愛郎復仇而上斷頭台的女子也令人留下深刻印象。很喜歡劇中的男主角，一副傻頭傻腦的樣子，為女角刻下MMM而成破案關鍵。那件死肥豬將軍實在抵死，扣起總統的特赦令視人命如草菅，但沒料到原來為愛郎復仇的那個女子原來幾漂亮的！
總體來說，這套片幾好看，不過要有心理準備聽那堆法文對白兩小時，也給那一大堆人名昏亂起碼半小時罷了……… 繼續內文
Wish List
滿以為過了三月尾埋年結四月開年寫字樓的生活會好一點，豈料姑姑大發神經，日日給大鵰跟肥嘟嘟尚宮無限個Task，佢張Wish List可以Wish完又Wish，不是說過得三個願望的嗎？姑姑，三個之後又三個，就快五十個都黎緊了！Wish乜鬼，虛偽，Order List就Order List啦！仲要大家都知道現在這堆所謂Wish List要砌的Schedules最終可能一個也沒有用，日日拿住公司本Annual Account左鑽右研，就快每個Annual Account的Item都會有一個起碼Schedule Support了！真係無聊，交俾Auditor咪得囉，係都要Show Off話佢對公司業務瞭如指掌，實則連公司某些業務做乜都未知，宜家已經唔興咁鋒芒畢露架嗱，我都係寧願做個幕後玩家，做路邊令人扒街的絆腳石好過……
一向無乜兩句兼恨之入骨的大鵰這星期一反常態拍晒膊頭懶親切，心諗我同你好熟咩，扮乜野呀！呢個商業社會就係你虞我詐，個個人都係自私、自保，係肥嘟嘟尚宮仲係咁天真，摒著「家家有求」的心態於是成日俾人蝦……
四月頭都發生不少事件，教宗若望保祿二世病逝，令到查理斯跟卡美拉的婚期也得改一改；家中病人事件尚未解決，不過大家也都接受了並發展出既來之則安之的心態；四月一日捐血捐到面青青，嚇了肥嘟嘟尚宮一跳；西田百貨可能六月之後被迫遷……
願天從人願，生活過得愉快一點……… 繼續內文
發霉的週末
繼續在家發霉，攪惦屋企那幾個Monitor，呢個搬去果度，果個搬去垃圾房，再等個新來的再安番佢，LCD Monitor，公司幾時才首肯俾我們可以買個LCD Monitor呢？家中那個老爺CRT Monitor終於被淘汰掉（也因為俾我們打殘了），屋企已經全面進入LCD Monitor時代了！
Third Watch終於宣告玩完，以後無Bosco的發癲表演，遺憾！果隻一千零一隻超人特工隊Gameboy因為唔記得左個密碼，又要由頭打過，打來打去都仲係起初版圖，繼續變成擺設……一陣子沒去，BeTrapped竟然有Online版玩了！繼續承集Inspector Parker系列，繼續我那堆無聊小遊戲去打發時間，繼續發霉……
星期一被老闆肥仔誠邀出席珍禽異獸大會，跟一眾禽獸唔知攪乜，無眼睇，期望大鵰果日著好些，唔好等以為假期就著到成件工友咁款，好鬼肉酸，有失佢身份兼影響市容。好，繼續發霉……… 繼續內文
悶悶不樂的週末
星期六，本來是短週不用上班，卻在老闆肥仔的請求下，懶人小空依舊要花費三十個大洋車錢回來上班，繼續一路做一路罵的本色，係寫字樓嘈之巴閉，也繼續向肥仔發脾氣發難渣。晨早食早餐時，見到唔想見的大老闆姑姑，立刻當睇唔到閃埋一二邊，豈料一路咬緊多士，姑姑竟也在前面經過，繼續扮盲妹時運高，我睇佢唔到！要本小姐同你講早晨？好難啦！係唔俾面你呀，又如何？
回家又再次破了紀錄，轆車王182在無交通意外的路面上行走，由港島返到總站花了足足一小時十五分鐘，今次真係睡眠充足，補回昨晚失眠輾轉反側眼光光的一小時。返到屋企，家中病人又再病病……繼續擔心……繼續無奈……… 繼續內文
得獎
今天很無聊地參加了個幾混吉的頒獎典禮，原因係自己參加左個都係混吉的乜鬼計劃，篤人背脊咁都得獎，睇錢份上就是但去俾面出席一下。由於實在太混吉，我個乜鬼計劃要加埋隔離個優良顧客服務獎一齊攪，成個頒獎禮一切從簡，基本上看見各位參予的得獎者好明顯地都係睇錢份上，瞬間攪惦晒成個頒獎禮，估不到最高效率的事竟然係這個場合完完全全體驗到！
由細到大獎不是沒有得過，但從來未試過收咁大張咁誇卻又咁廢的獎狀，真的得啖笑，不過說真的，自從離開校園後，都未想過還有機會得獎，所以知道得獎時確有小小開心過，但之後的感覺只有傻笑同呵呵兩聲的無奈……
議而不決、決而不行兼懶好人的肥仔繼續惆悵，小人繼續一言九頂準備激死老闆；自己的病病總算好了，但家中另外的病人還是繼續讓人擔心；唐唐宣讀完佢份財政預算案，但眾人的焦點依然是佢會參選特首嘛？… 繼續內文