TabiLand

　　終於攪惦了老闆肥仔吩咐的弔古戰場文，真的好難頂，仲難過作辯論比賽，下次千萬唔好再攪我了，叫救命啊……在未有心情寫Evaluation Report之際，終於看了這套兩個月前的話題之作，都等左好耐了……可能之前看得影評太多，我覺得這套電影並沒我想像之中這麼令人感動，但總體來說也算是一套成功的作品。澪、祐司同巧一家三口的生活，那間捱了足足十二年的麵包店、非常體諒的醫生及老師，道出平淡是福的溫情。澪跟巧由高中開始的一段情處理得幾好，但整套片最教我感動是最尾澪明知道結果，但始終不能左右心中所愛，道出本片主題「現在，前來見你」，立即打電話約男主角向日葵田相見，我覺得此處是最較人感動的一幕，亦令我想起Clover織葉的故事。織葉也是明知自己的下場，卻始終不能阻止自己心中的愛火，最終倒在情郎的懷抱中……
　　好，係時候繼續寫Evaluation Reports，新買的Webcam繼續試玩中，好玩啊！… 繼續內文

　　晨早返工，驚見去左training的老闆肥仔晨早七點幾叮了個電郵返公司吩咐工作，天啊！以為今天不用見他可以稍為抖抖，沒料到呢個吩咐竟然係我最憎的薯仔文創作比賽，天啊！淨係做資料搜集都攪左個半鐘了，本小姐之所以選會餵雞人員就係一心避開最討厭的作文，估不到現在仲要作些好鬼難的題目，好惡頂呀！
　　收工以後約了同事甲及乙去睇Batman Begins，今次蝙蝠俠玩前傳，交代番些少蝙蝠俠學藝事蹟，原著有否跟呢位師父學藝就不太清楚，不過讀書時睇卡通片，Batman都識耍番兩野柔道，可能有學過都未定。至於Batman由蝙蝠洞到武器的研發過程，尚算有趣，不過始終鍾情於Batman的超忠心管家Alfred。管家簡直一片丹心，日頭要打理衛公館仲要幫Bruce Wayne睇住埋基金，得閒仲要打掃下個蝙蝠洞同增補下蝙蝠武器抹下蝙蝠車入下油咁，仲要照顧Batman起居飲食，夜晚仲要幫Batman玩住架超級電腦做幕後support，卡通片時代佢仲要抽到時間識女朋友，我覺得Alfred的超人程度簡直拍得住Batman，咁勁秋的管家，我都想要個呀！
　　追左咁耐Batman還買過兩期漫畫咁大把，真係幾喜歡Batman架，合指一算，Batman的十大惡人都差不多出齊，仲會唔會再出新電影呢？
Joker：Batman宿敵，應該要再出啦，最好順道出埋佢哎吔女友小丑女啦……
Catwoman(Selina Kyle)：呢個都應該要再出，佢同Batman的冒水情緣真係勁正。
Two-face(Harvey Dent)：卡通版呢位人兄要樣衰很多，出場一次夠啦。
Riddler(Edward Nigma)：出親場都整d語帶相關的謎語，唔係英文人好難跟得上，有時睇唔明……
Penguin(Oswald Chesterfield Cobblepot)：呢件矮仔唔出也罷……
Scarecrow(Jonathan Crane)：廢，淨係識整fear gas，我腦細未用都已經驚，可以省回不少。
Clayface：我想知如果拍電影呢幾件會點出場……
Poison Ivy(Pamela Isley)：睇卡通成日出來發姣，頂唔順……
Scarface and Ventriloquist：出呢件的話成日睇木偶劇……
Bane：呢件想睇呀，打到Bruce Wayne傷左咁耐……
Robin(Dick Grayson)：我覺得羅賓件衫可以改善一下囉，Bruce Wayne的服裝設計真的很差……
　　是日newsgroup金句：「記住該記住的，忘記該忘記的。改變能改變的，接受不能改變的。」好，又係時候去作文，本小姐最憎……… 繼續內文

　　阿爹叫妹子入股交通銀行，妹子問長問短，我們回贈一句：「投資涉及風險，股票價格可升可跌，甚至可能會變成毫無價值。」
　　老闆肥仔每日都有錯事，所以我們「每天鬧佢三至四次，每次五至十五分鐘不等，飯前空腹或收工前效果更差。有特別需要者，可增至每日五次以上。」
　　工作性質：「考古，每週平均兩次，每次考察兩年至七年資料不等，有特別需要，十年浩劫，徹底清倉。」
　　給賤精野鳥大鵰：「咁多人死唔見你死，廢柴！」已累積詛咒次數，超過二百次。繼續以公司登入密碼，每日詛咒中……
　　傷風流鼻水，阿娘回贈：「預防勝於治療。」
　　行雷閃電，高呼：「天呀！劈佢！」… 繼續內文

　　成個星期也睡得不好，處於半夢半醒之間，成日唔知自己做緊乜，今日做做下野Review緊堆Schedules都可以KO，真係唔惦，要認真抖抖。老闆肥仔今日也很忙，因為彈左好多隻危險的鑊出來，齋是補鑊同起防護罩已經忙上一個下午。本小姐平生最討厭作文，所以才會選科不用作太多文也不用接觸太多文字的會計來讀再順理成章當起會計的工作，沒料到現在卻因工作需要而要連番作薯仔文，同事笑說呢D野整定，讀書無雞會宜家就報應番晒……
　　老闆肥仔下了戰書約了仇家下週五大戰，不知到時是否要跟肥仔上戰場，豈料今日一揭通勝，當天竟然係沖己未羊人！果然識選日子，老闆好選唔選左個咁日子，通勝果然厲害，真係沖到正！（扮迷信，係度賴天賴地！）今日等了十五分鐘才上到火車，結果遲了很多才回家，也由於落火車時下雨，遂跑回家去，結果這樣一跑，本來已無咁痛的腰腰繼續閃閃，天呀！
　　話說回來，六月多套電影上畫，好想去睇呢……
．2005.06.09——史密夫決戰史密妻 Mr and Mrs Smith　（好似好好笑咁，當笑片笑下）
．2005.06.16——蝙蝠俠：俠影之謎 Batman Begins　（純粹因為咁多套英雄人物中最喜歡Batman）
．2005.06.29——強戰世界 War of the Worlds　（睇湯告老師？）… 繼續內文

　　跟同事仔走去學太極，原來要咁慢動作咁慢慢做指定動作兼紮馬係會腳痺的……到底是我姿勢不正確還是根本平時少運動，玩完一個鐘太極竟會腳仔軟。更衰的是由於腳軟，落樓梯時簡直要慢動作，而又因為追火車的關係，一邊落月台一邊見到車車一邊腳痺也照跑，上到車車坐左係位覺得有野頂住條腰，除下背囊仍然覺得有野頂住，心知不妙，就咁就呵呵呵閃到腰了……
　　一件平時少運動的怪物，第一場就玩成咁款，真係Cheap到爆，兼瘀到爆，呢鑊真係呵爆……… 繼續內文