分類: 生活

　　今屆世界盃到底發生甚麼事情？兩組的種子隊兼今屆大熱門都提早出局，看見阿根廷班球員個個喊晒咁口，真係覺得幾慘。但無法，瑞典隊確實又踢得唔差，而阿根廷又好唔好彩上場輸了給世仇英格蘭，今次真係要點唱「Don’t Cry for Me Argentina」給他們聽聽了。
　　話雖如此，但我心裏其實一直都很想阿根廷提前出局，因為一直以來，都覺得阿根廷國家隊雖然有技術，但「超技術」更一流，「上帝之手」就是一極佳例證，所以心裏唔多唔小都會想替其他球隊（尤其是英格蘭）爭口氣，讓阿根廷嘗嘗失敗的滋味也不錯。不過今屆我覺得法國同阿根廷都踢得唔差，不過運氣就真是差了點，別球隊也有中柱中眉，但別人偏偏撞入球網而法國及阿根廷就撞柱彈出，唉！天意！
　　昨晚去了帝都的百勝閣吃自助餐，我家已經很久沒去過這麼高消費的地方了，今次一次過當端午節及父親節一起慶祝，我請客！雖然都幾貴，但算啦，辛苦搵來志在食，看見家人們吃得這麼開心，洗多小小錢都值得。佢個六月推介「日式杞子牛乳鍋」真係唔錯，湯甜又有菜食，好正！最難得祖母大人也對之欣賞，自助餐你真好，替我省卻想點甚麼菜的煩惱。… 繼續內文

　　唉！上屆冠軍法國隊今屆竟首圈出局，更羞家的是竟三場一球也未入過，真是繼沙地阿拉伯慘吞八蛋後又一「名垂千古」的世界盃紀錄。
　　不過話說回來，其實法國又不是無攻門的，但今屆的運氣實在差勁，不是中柱就是中眉，要知道條門柱同門眉都這麼幼，射入網或射出界往往更易，偏偏法國隊今屆就咁高難度下下中晒，真係連運都輸埋……
　　話又說回來，近來掛住睇波，溫書的進度真是太慢，但今晚又約了人去吃自助餐……點算呀？… 繼續內文

　　自從塞內加爾於揭幕戰贏了法國後，心裏就想甚麼都有可能，可能中國衰衰地都會在世界盃決賽周入番一球，來個零的突破！不過經過昨天賽事，心裏只想中國好好睇睇，唔好好似沙地阿拉伯咁輸得咁「核突」就已經好好。
　　昨天跟一班舊同事（已經變成好好朋友了！）去唱卡拉ＯＫ，唱到悶悶地就轉呔大家在Ｋ房睇波，一個唔覺意行開去洗手間，回來後友人就說你走寶了，剛入了一球！甚麼？激氣呀！待會輪到我友人去洗手間，我笑說等陣你行開佢又入波，點知又真係真喎！佢番來又入了一球，德國隊竟可以贏到八比零！真係難以令人致信！無他，德國隊行埋沙地隊，高人成個頭，六球都頂入，真係……死球戰術都贏梗！
　　唉！中國隊，唔該生生性性，唔好輸得咁恐怖嚇親我們就好了。… 繼續內文

　　終於好容易地轉了一份無咁辛苦的工作，每天上班會有定時上、下班時間，卻又發覺新的工作跟自己的性格不太吻合……一成不變並不符合我的個性，較為散慢的工作態度更令我……為之光火，感覺就像誤墜塵網之中。作為一個小小職員實在無辦法改變公司的制度及文化，但我一定要保持自己不被污染，朋友們，請多多與我聯絡令我與時並進，我不想變成一個頹廢的人啊！… 繼續內文

　　母親大人，多謝你平日的照顧呀！以後也請繼續照顧我呀！
　　今天是母親節，可昨天我這個不孝女竟病至五顏六色，手軟腳軟，吃飯也沒胃口，難得母親大人昨天煮我上次突然興起想吃的粟米豆腐羹，唉！簡直浪費了母親大人的一番心意……嗚嗚！對唔住呀媽咪！睡到半夜媽咪仲要拿條毛巾給我抹汗，唔好焗番入去攝親喎……嗚嗚！咁大個女仲要阿媽半夜起身睇你……好感動呀阿媽！
　　母親大人，我會繼續努力的，多謝你呀！… 繼續內文