分類: 生活

　　由於將軍澳支線的通車，令我原本的地鐵車程增加了一次轉車及多一站的路程，因此我決定將每天上班路線改變，改乘一日只得兩班的特別班車182P。可能是特別車的關係，又可能是總站的關係，每天巴士站也大排長龍，單單在總站上車，車上的窗口位已一掃而空。
　　漸漸地，我開始發現坐某些位置的人開始熟口熟面，而這情況越來越明顯（可能因為我也差不多日日坐同一坐位吧……）。我想因為是總站，而又是特別車，每天需要撘乘這班車的也大概是同一班人吧。大家的心水坐位又差不多，出門口時間及排隊位置又差不多，所以乘這班車就像預先訂位的校巴一樣，朝朝也見到你。就連司機也天天是同一人，可能遲點連司機也認得晒成車人也不出奇啊！… 繼續內文

　　《百萬富翁》有個50:50，Taxation都有條50:50 rule，不過最慘係我考試都50:50，激死我了！豈有此理！對自己發脾氣先！
　　今日上班到差不多落班時間，舊同事兼朋友打電話給我說考試放榜了。甚麼？不是下周四嗎？在完全無心理準備，又好奇心驅使之下上網查查成績先！咦！乜咁攪呀？又來個50:50，考兩科PASS一科，咁算點先，上次又係咁，今次又係咁，難道我真係無乜考試運？又次次都衰科人人認為較易的，較難的又俾我PASS喎？唉！又要浪費千三元明年一月再戰一次……（請以行雷閃電配合粵語殘片悲情音樂加銀紙生對翼從荷包飛走之畫面聯想在下現今之心情）… 繼續內文

　　自上星期開始，病況始終反反覆覆，時好時壞，已經乖乖照醫生吩咐吃那些令人昏迷數小時的藥仍未見有很大起色，由重感冒變成嚴重傷風咳，好辛苦呀！
　　最慘番工不能隨時咳嗽，因為這樣會很討人厭，而且因飲水太多時常去廁所，成日行出行入實在唔好意思，但我又不能因這樣而請病假（已經請了一天了），唯有頂硬上，真係好囉命！死啦！食了藥後完全打瞌睡，怎也集中不到精神溫書，就快又考試了……咳咳！一係快些俾我咳到嘔血咁就唔駛番工啦！現在吊住吊住，唔知點算好添。… 繼續內文

　　今早一起身就知自己開始唔妥，一早已包了n隻雲吞，今次仲唔死……未算，今早下大雨，回到公司縱然早已摺起褲腳預備拖鞋，仍然難敵公司的無敵大冷氣，雲吞絕技繼續，喉嚨開始黎料，死直。再加上突然而來的工作死線，好趕呀！又再衝呀衝，現在開始反應遲鈍，個頭開始出現多舊雲團。
　　最慘係，阿爸無端打來說上月未過數。甚麼？唔係呀嘛，過了很耐了喎，點解次次都係人無乜無物之下問人野，申請信用咭又係咁，邊有人行行下街隨身攜帶收入證明……我又點會番番下工無端帶埋存款通知書出街……激死，加上已開始作病，家陣非常火起，燥火出來了，好辛苦呀！… 繼續內文

　　哎喲！今次又打唔成風了！激氣呀！
　　說來真巧，自從做事以來，從未試過享受過一天八號風球假期，就連黑雨幾小時休息都未試過（連暑期工及兼職時代都未試過！），真的有幾耐番足幾耐，勤工獎都應頒個給我……其實有時上班上得太久，真的好想有假期可以好好享受一下，八號風球留在家靜靜地看書又好，睇DVD又好，聽收音機都好，真想可以休息一下，好累呢！我覺得有時在家靜休是很好很好的鬆弛方法，我很享受躲在窗邊邊看雨景邊看書邊聽收音機的時刻，我覺得這種休息方法實在太Perfect了！不過，今次又泡湯了……風呀風，求其打一個半個過來都好呀。厄爾尼諾，我恨你，你令我又要番工了。… 繼續內文