睇下你似乜？
分類: 生活
分手了
分手了！一向視對方為眼中釘的譚議員同餵雞工會終於公開掟煲！出信出到街之巷聞仲上埋報紙，其實從上次壇GST已經開始進入白熱化劇鬥，到底一個無工會支持的議員同無議員做喉舌的工會將會有何發展？會不會像倒扁般整個天下圍攻？誓死唔落台大家鬥無FACE繼續惡鬥？有戲睇了。不過作為一件小小會員，一句講晒：「無眼睇！」
公司種的過期罐頭辣椒竟然真的開到小花，好神奇呢！都無乜特別理佢，係日日淋水同埋窗邊好似驚佢唔死咁款都開到花！一朵得四份之一個一毫子般大的小白花，若真的結得出辣椒的話，會否有一粒米這般大呢？… 繼續內文
和民食食食
因為贈券就快到期的關係，相約了妹子及白賴仁到和民食左張贈券佢！一直以來雖然知道和民是出名，但基於吝嗇的性格使然，一直從沒踏入過和民半步。今天一約就去了尖東的和民，去好似好高尚的地區食食食。由於順路關係，搭了好久沒坐的天星小輪，估不到今日搭的那隻船已經48歲，也估不到原來除了火車地鐵會有前面列車尚未開出塞車之外，船都有前面碼頭小輪尚未開出，本班船將稍遲片刻，不便之處敬請原諒。但要知道船在海上但車在路上，陸上停車當然就是停係度，但海上停船就會被浪攪到拋拋下，真係好玩囉……
講番主菜和民，食物的確幾好味，我們三人Order了和民沙律、牛舌燒、和民海鮮燒餅、和風比薩、三文魚刺身及海鮮焗飯，全部都幾好味。沙律好好味，和風比薩同燒餅都幾特別，好好味。食到飽飽，拿出贈券準備找數，豈料侍應姐姐拿帳單來的時候，一看嚇了一跳，一百三十幾？有沒有攪錯？咁平早知叫多些……再看清楚一點，原來姐姐已經幫我地用贈券扣埋數，傻仔啊！食完還跟妹子笑說這些高檔食肆有排都唔會再食，怎料回到家卻見到……沙田和民重開大優惠券……呵呵呵……… 繼續內文
餵雞會的趕客之作
自從看到餵雞公會這個為CPA Day而攪出來的“‘Tute in da House”後，身為CPA還要是QP出身的一名小小餵雞員，直頭想搵窿捐。救命呀！回想當年因為少不更事，根本唔知入會要參加Joint Scheme，基於諗過無錢移民，所以畢業後乖乖參加了香港餵雞會的QP Exam當白老鼠，俾人肥佬兩次再黎狂K Past Paper之後終於攪惦個QP，辛辛苦苦考完個餵雞試，絕對絕對絕對唔係為左成為一件咁樣的餵雞員，簡直想叫餵雞會回水！我們會員俾咁多會費唔係要呢D野呀！你唔攪野我們唔會話你啞的！你有冇見過人家的專業社團（律師公會、醫生公會等）會賣些咁Cheap皮的廣告宣傳？連ACCA贊助果個「計出好前程」都仲順眼過呢個。平時看Apprentice已經要「欣賞」餵雞會贊助的傑作，而這個為CPA Day的出品簡直是超級趕客之作，難道餵雞會想嚇退一眾辛苦考試的Student Member？… 繼續內文
阿茂整餅
最近每天都給死肥野激死，發覺講多他也不會明白，很多問題不是出現在過程上，而是大原則上。當一艘船的羅盤出現問題，在茫茫大海中沒羅盤掌舵，就算如何努力也不會到達目的地。在航行的過程，可能會無風或不太懂掌帆，但只要還有一雙手，總會有日划到目的地。死肥野做事從來不定目的地或者不看羅盤，只著眼於如何掌帆或安些船首像祈求風平浪靜，那我們這班水手又如何能到目的地呢？因為根本大家都不知道到底要划去邊？唉，懂駕駛船隻固然重要，但有羅盤更加重要啊！又想起Mr Holland’s Opus校長的一番話：「A teacher has two jobs; fill young minds with knowledge, yes, but more imporatant, give those minds a compass so that knowledge doesn’t go to waste.」家下我地成班水手堆knowledge俾佢waste晒啦！
今日下午返了公司總部上堂，嘩！很久沒試過齋坐這麼久，簡直坐到腳痺，又唔敢亂動齋聽，聽班茂李高層想當年及講廢話，都幾浪費時間。聽完Talk，跟同事阿Sa去了學整餅，都幾好玩。今次整焗西米布甸同香橙梳乎厘，都幾易整，應該會試下係屋企整，等我得閒去買D材料整下先。兩樣都幾好味，但個梳乎厘似乎甜左D，卻估唔到妹子竟然話這種甜味才合佢口味！
星期日食蕉俠侶就大結局了，沒了靚仔楊過看添！不過都係覺得黃曉明在大漢天子時扮漢武帝比較型些，個樣夠串嘛！哈哈哈！… 繼續內文