分類: 生活

　　今年去完旅行，回來見都好地地，一時放鬆下來，就遭受到寫字樓那一股感冒旋風侵襲，咳聲不斷，鼻水長流。之前的星期六日見天氣這麼熱，就著下背心心想清涼一下，回到家中都正正常常，怎料夜晚突然狂流鼻水，第二朝直頭狂咳。星期一放工回家途中已經發冷發熱，回到家直頭成個呆晒，飯又無胃口，唯有朝早找醫生睇，嗚嗚！一定是腦細死肥野傳染我，佢都病左成星期，仲成日叫住人傾野，唔傳染到就假！一於屈晒佢入佢數！嗚嗚！… 繼續內文

　　今天收工回家上網Check Email，竟然見到有個Email話我得獎。一向對這類話你得獎之後其實係廣告等的Email懷有極重的疑心，心想唔係又騙人呀嘛？打開來看，竟然是Yahoo!告知蜘蛛俠個比賽抽中左，叫我去領獎。甚麼？到底我是何時參加了蜘蛛俠個比賽呀？毫無印象。抱著都無乜損失的心態之下，去了Yahoo!找門口姐姐拿了個獎品，是一張好大也印刷非常精美的蜘蛛俠3海報及一個同樣圖案的膠File，靚就真是是很靚，但實在是毫無用途！我那來這麼多地方掛這張海報！這簡真是戲院用來放燈箱的Size，真是雞肋，食之無味，棄之可惜！… 繼續內文

　　呵呵呵呵！王氏一門終於成為中國第一大姓了！根據公安部治安管理局在對全國戶籍人口進行統計分析後發現，王姓以多八十萬人的優勢，打低李姓成為中國第一大姓。頭廿位大姓依次為：王、李、張、劉、陳、楊、黃、趙、吳、周、徐、孫、馬、朱、胡、郭、何、高、林、羅。雖說中國第一大姓是我們王氏一族，但在我日常生活又不常碰見王姓的人，反而黃姓的人碰上得還要多，難道王氏一族不是聚居於廣東省？不過，成為第一大姓又如何？成為第一大權力一族，又或成為最有錢一族，又或者成為最長壽一族就差不多……
　　這個徐步高懸案終於叫做有左結局，但我相信部份真相是無法得知了。小甜甜估不到生前身後也有爭產案纏身，中環又會無端端地陷，今朝塞車塞到實晒唔知同這個地陷有無關係？Lunch Time時被部怪Lift玩，入左Lift上到咁上下落，落唔到地下又上番去，玩左三轉後都唔肯落地下大堂，怕怕了，搭過第二架Lift吧，咁搞一搞好天都變落雨，堆食肆又人多到嘔，胡叔叔好明顯是在玩人！近畿之旅進入倒數階段，得閒要去換定些日本紙了。究竟明天飛來的熊貓叫咩名呢？… 繼續內文

　　今天讀畢東方日報的副刊，集體回憶系列今次講《兒童樂園》，立即又想起家中那幾本由阿媽時代已經收藏起來的古董，便上書櫃掘回這些古董緬懷一番。據東方日報所載，《兒童樂園》（THE CHILDREN’S PARADIS）在1953年創刊，由友聯出版社以半月刊形式發行，全彩色印刷，內容包括歷史故事、連還圖故事連載、世界童話、謎語及遊戲等。今次掘回的兩本古董是1977及1978年出版的，按年紀還大過我，果然是古董！已經由阿媽果代流傳至我果代，阿媽說要留番佢等第時的小朋友，看看以前我們的童年玩物！以往阿娘都有買《兒童樂園》我們看，尤其是去飲茶時買來等我們靜靜地看，不過後來長大了又少了去飲茶，漸漸忘記了這本兒童讀物。
　　重看中發覺原來這裏也有連載《西遊記》，那個肥啫啫的唐三藏、沙僧及豬八戒也是這裏獨有。簡短的單元加上可愛的圖畫，吸引小朋友睇多D字去看看中國四大名著。現在回首一看，當年的字粒字體是多麼可愛！後來真的令人產生興趣去讀《西遊記》的，是《變形豆》連載中國水墨畫風的《西遊記》，由石猴出世到取得西經，後來還將全部儲起的連載拼合成一本，還要用線自己訂裝的！
　　《小圓圓》這類故事現在還有嗎？現在的小孩很少會像以前的自己滿街走來走去，那些小孩式的冒險故事，在現在的社會還有機會發生嗎？原來以前是流行這類被分類為「兒童生活故事」的？不過現在重看，亦有一番懷舊的味道，幾得意。
　　要數最厲害的，莫過於現在叫「多啦A夢」的《叮噹》！到底當年是誰人替改叮噹呢個名？我覺得簡直是神來之筆！還有，《兒童樂園》連載的《叮噹》是上了顏色的！當年未有這麼健全的版權制度，通街都可以見到某某卡通漫畫的N款漫畫單行本（例如星矢、叮噹等），正在追看某期漫畫，下期買到的可能是第二間出版社的版本，劇情又未必去到一樣進度！
　　總體來說，這幾本擺了近三十年的陳年古董，將會繼續陪伴我們，繼續偶然勾起我們的童年回憶夢。… 繼續內文

　　今日跟同事阿SA去食LUNCH，本來阿SA提議去食餃子，好衰唔衰我又多口話餃子舖老闆的惡行被人POST了上網，道德評價低，於是就因為這個無聊理由轉移陣地，亦就咁開始左今日的LUNCH長征之旅……
　　第一選擇餃子店被道德評審OUT了後，阿SA又提議去食生果炒飯餐，我話好呀，又健康又好耐無食，仲可以食燉蛋呢！正當我一路行一路盤算緊叫炒飯食再加個燉蛋食會唔會太飽之際，噢！出現在眼前的竟然是落了閘的舖頭，望埋去直頭是關門大吉FEEL！只是一排無食，咁對我地呀！既然都行左一段路程，我們立刻轉移去第二選擇，到閣樓餐館食泰國野！正當我又諗緊今日有冇冬蔭公湯飲時，砰！泰泰餐館無開到門，唔係又執笠呀嘛？遭遇連番挫折，心想已經行左咁遠去食LUNCH，不如再行遠些去新開商場試新野，點知問過食蕉，原來未開舖！出面張海報大大隻字寫翡翠拉麵小籠包，但行OPENING SOON字細到幾乎睇不到，頂！
　　經歷完一輪挫折，又行左這麼久，我們終於決定去超級大後備上海菜館食客飯吧！又經濟又實惠，仲可以食小籠包，點知去到街口，登登登登！連舖都唔見埋，現場遺址已經化身成一間廁具店，我們還未食LUNCH，唔駛咁快幫襯廁所住！天呀！到底做錯左咩，去親邊間餐館都執晒笠架？一日最衰都係餃子店老闆！我的燉蛋呀冬蔭公呀仲有小籠包呀全部都無晒，一於入晒佢數！
　　終於在上海野遺址隔離，幫襯左一間都唔知轉左幾多手的西餐廳食了個SET LUNCH，終於有得食啦！咩都好啦，行左咁耐腳仔軟又肚餓，有得食就算啦，嗚嗚！飯後阿SA再去試試諗住幫襯阿伯買番個砵仔糕做甜品，果然又不出所料，影都唔見，最衰都係餃子店老闆，搞到我們今日幾乎無飯開！事後，事前衰多口話唔幫襯餃子店的在下，當然地遭受指責，成為今日幾乎無得食的LUNCH之旅的千夫所指，唉！… 繼續內文