分類: 麻麻煩煩

　　新居訂的傢俬按照原先約定，應該就快送貨。基於唔想到時尾數畀CASH及想多賺積分的關係，決定提早去傢俬舖付清尾數。是日約了爹娘一起去食晚飯兼付尾數，由於尚未到相約時間關係，便往西田逛了一會兒。今期做九州物產特賣，是讓今年計劃去九州的我在這裏預演一次嗎？
　　到了約定時間，爹娘說先付款後吃飯，便約在傢俬店前等。豈料當我去到傢俬店時，現場竟出現吉舖一間，地面還乾淨得尤如從沒有此舖頭一樣！起先還以為自己眼花或記錯舖位，於是在商場逛足一圈也抹清雙眼，可現場還是只得那尤如西部牛仔場景，空洞的沙漠加上那隨風溜過的野草堆一般，甚麼也沒有。大驚之下急CALL還未到場的阿爹問問：「你不是昨天才跟X小姐通電話問可否提早送貨嗎？怎麼今天連舖也不見了？」阿爹聽後也是一驚，隨即到達現場一看，也是如斯吉地，立即拿出X小姐咭片與及傢俬訂單開始打電話求助。根據X小姐的咭片，上面的兩個電話號碼打極都唔通，情況越來越似執笠咁款。阿爹於是決定再打電話去傢俬行總店，我說已過放工時間，多沒人接聽，怎料得出來的結果還要嚇人，該電話發出長鳴，尤如無此電話般。嘩！唔係執笠呀嘛！呢間傢俬店都頗具規模架喎，無理由呀嘛！
　　最後，阿爹決定打去訂單上其他傢俬舖分店查詢，終於有間分店的電話能夠打通，而得知我們落訂的分店已經CLOSE了，而X小姐則調了去另一間同在沙田的分店，唉，嚇鬼死咩，我以為我們的傢俬和錢錢就咁凍過水呀！最後，終於電話聯絡到X小姐，也找到新分店，付清尾數，一於等送貨。… 繼續內文

　　由於閏年關係，突然多出來的二月廿九日成為一個特別的日子。有乜咁特別？特別在今天特別多野做囉！月尾要埋數，本已經是一個比較忙的日子，可奇怪事也往往排山倒海般在同時間發生……
　　首先，本公司自認好勁好厲害好叻的發達窿收費機器，過得到千禧年，卻不能過渡閏年！今朝收到公司電郵說部份發達窿機器記帳部份有可能在二月廿九日出現問題，命令售貨部同事今晚不要上載發達窿帳目，待明天才補載帳目。睇到第一時間的反應是：有冇搞搞搞搞搞錯呀！四年一閏都頂唔順，還要其他部份無事，只是帳目上載部份有問題，真是嘟嘟嘟嘟（爆粗自我嘟嘟），月尾埋數先來壞機，真是離嘟晒大譜！只望求神拜神，明天補載時沒出現問題，否則有乜冬瓜豆腐漏咁幾部收銀機數上唔到，仲要月尾趕埋數先來玩野，實畀總公司疲勞轟炸。
　　總公司學人玩內部監控，請班PKMG人落黎睇我們運作，本來招呼柯跌打係一般指定額外食鐘工作，可柯跌打早唔落遲唔落專登揀月頭埋數最嘟忙果幾日落來搞搞震，試問邊件友得閒招呼佢？經理實唔係一同人打完招呼就點左我去招呼咩？下面班細的又要做日常工作，實係我這些夾心階層去招呼佢地啦。人未到今日就打來叫我地影定堆野畀佢地等佢地玩WALKTHROUGH，唔得閒理佢地，等佢地自己WALK啦，難道我地WOK咩。
　　總公司除了派柯跌打落來，今日唔知又做乜無端端問各分公司旗下OT情況，CLAIM錢就話公司有記帳，補鐘呢家野就麻煩。公司政策補鐘的話由每組經理自家搞惦，我組經理又完全求其地將補鐘記錄亂FILE，實不知道去那裏堀番堆補鐘記錄出來填RETURN。最後，在經理的催促之下，求其作左一些（靠個別員工的爛紙），唔知食鐘又可唔可以報呢？
　　除此以外，仲有BOOK錯數事件，BANK錢BANK左ACCOUNT事件，新SYSTEM要上又要UAT事件等等已經無精神兼無心機再記錄，只是多左一日咁大把，駛唔駛用咁盡呀？… 繼續內文

　　已經習慣了家中的和記寬頻每兩個幾月死機一次的事實，鬼叫貪平咩？不過今次由於服務太差，決定在這裏記錄事件，以便下次能持證投訴。首先，簡短地總結近半年和記的死機次數：2007年8月14日死機、2007年9月14日死機、2007年12月1日死機、2008年2月12日再度死機。通常，和記死機不外乎訊號不穩，打去維修部RESET IP再等一、兩個鐘便能搞惦，不過今次死機情況極重，是完全無IP畀到，完完全全死掉！
　　即晚打去維修，又係果堆例牌問題，我說，唔好再問啦，無IP，個實體位置係乜，今次又死咩？RESET完都是徒勞無功，要約師傅上門，但最快都要星期五下午，結果有成三日上唔到網，已經谷到一肚氣。到了星期五約定日約定時間，師傅竟然連影都無，打去HOTLINE換來係將你點來點去，搞到阿爹與HOTLINE展開了長達四十五分鐘的火爆對話。最後發現，原本應該四至六到的師傅，可能有事遲左又怕畀客鬧，靜雞雞七點幾去機房搞線都唔打畀個客，就在這四十五分鐘的火爆對話之中，我們發現終於上番到網，結果最後阿爹罵叉多兩句便鳴金收兵，結束這段火爆對話。
　　接下來，要諗諗如何追討上唔到網呢幾日的服務費。逢勸各位，平野無好，要用和記，絕對要諗清諗楚，以免搞到一肚氣。… 繼續內文

　　自從做左業主之後，煩惱陸續而來，原來有樓人士都幾煩。首先，揀完樓就要去搵按揭，銀行甲跟銀行乙甚至銀行丙的計價專員計出來咪又係差不多，只係呢個P-2.X%隔離果個P-2.XX%又或呢個現金回贈果個送律師費那個送電器之類，越多選擇越眼花繚亂，終於用EXCEL計完選了個P減最多的銀行，卻又要審查一下在下的上會資格。上到會搞完按揭，又到約律師簽約，當然少不了那因估價超高而要付的印花稅還有律師費。
　　花費完一筆後，終於可以收樓拿鎖匙。收到樓就輪到裝修環節，雖則不打算豪裝，但也要搞搞地板搞搞牆紙搞搞電掣搞搞大門搞搞燈燈，還要聯絡中電水記仲有管理署，擺低錢錢按金，有電有水師父才可以開工裝修，不過，一睇之下，電電公司竟然寫錯在下大名！搞錯！照住身份證抄都打錯字！裝修玩左兩個星期，輪到去選購牆紙，想當年我家的牆紙只是從承辦商那幾本指定貨色選擇，現在要自己去旺角那一條牆紙街左看右看，越多選擇越眼花繚亂越心思思拿不定主意，結果要揀日重賽，今天再去選購，終於揀了，是先選某間牆紙舖再選了某一、兩個系列去選，收窄少少範圍才能入手。得閒還要去監場偷看一下師父的進度。
　　下一步是甚麼？燈？大門鎖？窗簾？傢俬？總之有排煩。題外話，近一、兩日，香港的天氣很奇怪，經歷了春夏秋冬階段，先有春天的濃霧，船都撞了幾隻，潮濕到不得了，接著有高達廿九度的氣溫，因潮濕又熱竟在冬天開了冷氣，今天冷峰到下午開始涼涼地有入秋的感覺，到夜晚返風了又回到冬天，這般的天氣很易病，真的要小心身體才成。… 繼續內文

　　經過上期抽居屋畀唔夠郵費給人打回頭的失敗經歷以後，今期再接再勵繼續嘗試，終於給我們抽到了白表號碼排第十。滿以為抽到十名以來應該有得揀，卻發覺原來之前還有綠表的人還有核心家庭及非核心家庭，得回來的結果是排到第七千幾，並要到今天才可揀樓。一早整裝待發出動，入了等候室時，不停看著大電視展現那堆為數不多的單位，心水的已買少見少，每一個人入去揀完就立即出現在大電視上，情況就尤如跑馬仔甚至股票報價，只不過今次是希望沒人選中我想要的單位罷了。一面等候一面望住大電視，令心情非常緊張。終於輪到我們，結果都算選到心儀的單位，但不是第一目標。無法，第一目標早在兩星期前已被人選了。
　　揀好樓後，去到現場實地觀察。由於我們買的單位其實是現居樓下層數的某一回售單位，對環境非常熟悉，看看沒漏水沒特別唔妥後就OK了。之後又走回樂富中心買本票搞東搞西，都不記得今天簽了多少個名，總之就是不停的簽個不停，幸好有阿爹從旁指指點點，再加上我的一副學生樣（適當時候扮無知給專人指導），總算辦妥手續，現在要做的，只是去找按揭罷了。就這樣，我就成為業主了！
　　星期日舉行的區議會選舉進入白熱化階段，競選連任的俊哥及隔壁武將單挑的興先生也日以繼夜地不停在街站崗拉票。也因為選舉日，本周有份兼職差事要做，好忙啊。同場加映，是日樓下的波仔開張大吉，混吉睇樓人乘機試吃，以後唔得閒煮飯，都多個新選擇。… 繼續內文