分類: 麻麻煩煩

　　唉！世界盃轉眼間已打完，仙童頭哨牙度都算叻仔，拿了個金靴獎兼幫巴西第五度稱王，算是這樣。決賽那天落了社區中心跟一大班青年睇波，班青年波友都叫得幾攪笑，令我無意中喝破喉嚨，把聲拆晒仲要第日去唱K，真係玩殘自己把聲……話時話決賽後影住巴西個龍門馬高斯著住支巴西旗扮晒耶穌個樣真係幾型！但我找來找去也找不到那個型樣……
　　放完七一今天回公司上班，本來假期過後已經無乜心情，竟然遇著公司冷氣壞機！大佬！熱、焗加上放假後之心散，令我下午頭暈暈……仲要對野，真係想死襯現在。隔離組仲離譜到去電腦主機室拿掉了用來幫助散熱的風扇來吹自己，萬一個主機有乜冬瓜豆腐就死定了！難為在主機室內的暑期工小朋友，平時已經較熱，今日仲連風扇都俾人搶埋，真慘！… 繼續內文

　　激死我了！可恨的地鐵，連續兩天唔生性，又令我遲到了！
　　昨天地鐵竟在繁忙時間出現訊號故障，北角線要多花十五分鐘以上的時間才能到步，結果半被迫地撘乘荃灣線經金鐘番工，又要用多些時間了……
　　今天地鐵更加可惡，一樣也延遲開出，卻連廣播也省回，騙乘客們上車後不停以廣播「前面列車尚未開出」為由把乘客困在車箱。大佬！我真係完全唔接納地鐵廣播的道歉！我好趕時間，你訊號有問題就早出聲嘛！困著我們後才大肆廣播，一早出聲我就唔撘北角線嘛！在北角還更離譜，車門開關達五次以上，唔該檢查好先出車啦！又迫，每次開門又多兩三個人迫上來，係咪玩野呀地鐵？… 繼續內文

　　原來一件很小的事情，也可以以迅雷不及掩耳的速度擴散開去。只是關於我自己私人的一點小事，於發生後不足廿四小時以內已可以眾人皆知，簡直一夜成名！多謝大老闆囉！連我這些卒仔的事也喜歡周圍唱，唱飽佢囉！好在我不怕這些無形壓力，唱飽佢，隨便，咁鍾意唱又唔去唱K？
　　更衰的是一眾假仁假義的人，明知關於我的事仍然扮晒野話傳聞你乜乜乜喎咁問我，真是無聊，明知就唔好問啦！廢話！… 繼續內文

　　由零晨零時零分開始，已開始我極度霉運的一天了。
　　事件一：過了十二點想列印功課出來研究，沒想到唔多生性的印表機竟在這時罷工抗議，經鞭打後仍然我行我素，我正考慮將其炒魷。
　　事件二：上網查閱我會計師試的成績，噢！炒了一科，天啊！又要浪費金錢考過，天啊！
　　事件三：一早回公司想話列印功課，經測試後所有印表機都不聽話，沒一部給我列印，只會不停嘔白紙。
　　事件四：今次份JOB又係上次阿變態經理，一如所料將你洗盡，乜野都俾晒你，食蕉啦今次。
　　事件五：今次份JOB雖簡單，卻舊年份Working又係廢物，又要執番晒D FORMAT，點解我份份JOB都要咁？
　　事件六：四日一份JOB時間已經唔長，仲無啦啦整多份P-FUND你嘆，死得啦！
　　事件七：放工拿東西回青衣，路經海邊竟遇三條死飛仔，在我面前詳談食丸仔的份量要一早幾多夜晚幾多……大佬，拍丸唔該行埋一面，唔好攔路呀！
　　事件八：唔記得一朝早搭地鐵時竟遇兩女打架，結果要站長充當拳証分開二人，阻延我番工時間。
　　事件九：番屋企時架巴士壞車塞住，又要等耐些才可回家，真係……
　　總體來說今天真是霉運到極點！不過，我雖然成個人沉晒，但仲未死得，放心啦經理，我會同你玩到底！Come On!… 繼續內文