分類: 賞心樂事

阿娘新買的玩具，知道這是甚麼嗎？又是用來做甚麼的呢？… 繼續內文

　　種左咁多棵公司妖獸，輪到佢終於混出純系了！錢錢到手！繼續努力於種花事業，公司果棵罐頭辣椒也快快發芽吧（雖然你過左期，但我仍然對你有希望的）！讓我虛擬與現實也一同種花花！想欣賞閃得早的英姿的話，可到這裏欣賞一下我那個妖獸花園（全部都係公司裏的妖獸）！
　　目前繼續懶散，得閒回帶欣賞輪舞曲同西遊記，嬉哈渡日……
輪舞曲：好一套劇集無間道，竹哥無論造形同角色都有著陳永仁的影子！同梁朝偉好似呀！至於崔智友，無睇過天國的雞批等劇，不願置評。
西遊記：日本仔好喜歡搵女人反串扮唐僧，貪夠白白滑滑？香取慎吾的老孫都尚算攪笑，唔駛用腦笑下都唔錯。… 繼續內文

　　近日由於忘情兼忘形地玩這個種花遊戲，許多事情也擺埋了在路邊……

賀年食品系列

沙田屋村巡禮

公司妖獸系列

　　總括一句，花花種不停……… 繼續內文

　　話說十二月的某日，本小姐在幫襯KFC食緊雞脾的時候，睇到張招紙講KFC將會推出數獨機供換購，另舉辦了一個數獨王大賽宣傳一下，只要填了招紙的表格便有機會參加。由於果日實在太過無聊，於是一路食雞脾一路填鬼晒張表格，仲袋住左張表幾日唔鬼記得左，之後某日發現仲係個袋度之下，就交了表格。沒想到的是這個無聊人之後都唔記左的事情，踏進了2006年竟然收到電話叫人去比賽。好呀，是但啦，都係繼續無聊……為了遷就比賽，還跟同事調了長短週，去參加這個詳情已經不太記得的雞王之王爭霸戰。
　　事前都無乜準備，要知道這個無聊人都係得閒無聊的時間才會去用下腦玩下數獨（絕對不是因為流行），又玩唔到時絕對會發脾氣地掉低一走了之，不過既然參賽，本星期都很免為其難搵些網頁練習一下。是日晨早出發（同番工時間竟是一樣的早！）點名報到，獲派雞王尚未推出市面的電子機一部練習，眼見身邊的學生組參賽者努力按按按，那我也按按按吧。但實在是死蠢，較了個最難度高的來試玩，攪到自己玩來玩去都未玩到，打擊信心。幸好，經過講解一輪後，原來是用Easy Mode來比賽的，便立即轉攻Easy Mode。這個時候，電話響起，甚麼？朋友竟來了？噢！這些出醜人前的醜行（證明如斯一件無聊人）怎能讓人看呢……
　　簡介一輪後中場休息，食物飲品俾班學生組參賽者家長搶掃一空，果然係好強的吞噬力！中間的花絮就在此暫略了，先來一次預賽，讓各參賽者熟習一下，噢，Random左個咁鬼難的，按極都未按到答案，結果大大落後，簡直打擊信心！跟住又休息等件嘉賓乜教授來。乜教授話明講三分鐘廢話果真只講三分鐘，還要最尾整句「夠三分鐘未呀？」，簡直笑爆嘴（在場人仕保持儀態俾足面佢）。學生組開賽先，班細路個個起勢地按，非常認真，終於純純認真學生妹妹勝出！到公開組了！一看自家的對手，有一件吋爆樣子的哥仔，一早就覺得呢條友WIN硬兼來Show Quality（賽前大熱門，預賽亦拋離其他對手，結果大熱勝出）；至於師奶們，大概陪跑；大叔們，可能推理力強，但按機慢，大概也是陪跑；餘下的哥仔們，應該係最強勁的對手。好，開賽，幸好Random出來的幾合心水，但按著按著，再加上司儀的一句過左三分鐘，隻手竟不其然地震起上來，越按越不對路，此時冠軍已經以三分幾十秒勝出。慘了，隻手震到幾乎按不到掣，但我個腦仍以手不能及的速度運算中，差兩個格咋，隻手震到已經近乎跌機了，死命按著，亞軍出了，努力按埋佢，立即舉手！好野呀！趕及拿了個季軍，只輸亞軍三秒鐘！到叫我寫低個名紀錄時，我隻手仍然震得幾近寫不到字，怎麼會緊張成這樣啊？玩下之嘛？
　　好，如果各位在那堆三姑八婆雜誌或報紙的一角見到像小妹的樣子的相登了出來，請不要驚訝，這只是閣下一個無聊的朋友某一日幹的一件無謂小事，多謝各位！… 繼續內文

　　經過一星期的工作，又到可見可愛可休息的周末了！回想起本星期俾樹妖傳召作證兩次，仲要好似審犯咁逐條數審問真係好鬼激氣，老闆肥嘢又白白痴痴，真係無名火起。好，說回正題，由於家中病人仍舊臥病在床，所以便由另類家長即係家姐我出席妹子的保你大畢業典禮。晨早起來，其實都唔係晨早，由於本小姐的極級KO再破紀錄，攪到十點俾妹子大鑼大鼓才懂起身，攪這攪那趕出門口，結果比預定時間11:15遲左小小，很是抱歉！各位請多包涵！
　　是日保你大校園花香處處，人如潮湧，無他，成千上萬的畢業生和家長今天全跑到這裏來慶祝嘛！早上乘第一節的人還被困在紅館未跑出來，速速到處留影，我的工作當然是當一名稱職的阿四與及機婆，負責替妹子拿著道具服裝及當攝影師，不停走來走去。應約的表弟及妹子網友也算唔話得，跟我們到處亂跑玩足朝早。沿途有妹子的騎呢同學甲（熊貓人）及同學乙（憂鬱人）插入加影，又去參觀埋DESIGN學系的唔知咩室等，再鼠上Podium又食又飲，終於一行五人去了尖東家鄉雞整個全桶套餐飽食一頓，算係咁啦，幾鬼飽。
　　飽餐一頓，表弟及妹子網友先行離隊，我們又再次回到People Mountain People Sea的保你大校園，此時由於第一節的人已經散場，更為人多，就算影相也只見人頭而不見景點了！差不多夠鐘入場，家長們依舊坐係背台位，我跟妹子的坐位簡直就是一個大斜角遙遙相對，要不是妹子拿著大Bear Bear，怎也看不見她！開場首先頒了四個榮譽博士俾四件名人，但除左靳埭強外另三件都唔多識，其中一件更加唔俾面唔來添！跟住精采了，受頒授人士致辭開始KO，校長致辭簡直係KO最盛時候，而環看四周，KO了的家長近七成！去廁所的也佔一成！之後終於到畢業生上台，由於人數眾多，只有博士生可逐個上台，其餘的都係派代表上台再用射燈射住成班畢業生就算。
　　如是者繼續沉悶，直至頒多媒體科藝理學碩士時，全場嘩然！當然，上台的代表竟然係爆炸猛男！怎會知佢係爆炸猛男？因為佢戴住個爆炸假髮上台啊！在如此莊嚴的畢業禮上佢竟然也繼續玩野，對住同屬一系及同屬一校的同學們，這是否在各位臉上貼金呢？我想知道阿校董會主席見到佢時有冇笑呢？獲頒完後這件爆炸猛男更將頂碩士帽放在爆炸假髮上面，當行過校長潘宗光前面時，校長跟他握手，卻整鬼甩左爆炸猛男頂帽啊！全場係度勁笑呢！過左爆炸猛男，又差不多到妹子果科了，只見射燈射向她們的坐位，呢一刻歡呼聲又響起了！
　　玩完呢個畢業禮，再在保你大校園搵班朋友影影影（機婆又要出動），便回到新城市廣場吃晚飯。哎吔家長又要出動，去了七樓的燒又燒食，野幾好食，叫了壽司、漢堡等，都OK啦，係份量少了一點。聖誕節的新城市廣場幾美，不過人很多，又玩足成日，都係早點打道回府抖抖了，明天要展開回帶大行動啊！… 繼續內文