無王管倒數廿五天，阿爸阿媽去旅行，家中無王管，唯我獨大，哈哈！不過衰在連家務都唯我獨大，哈哈！
今天如常因劉馬仔的好提議，走那冤枉的二百米路，到達明明近在咫尺的84M巴士站。講起這二百米冤枉路就把幾火，明明巴士站就在對面，卻因一個完全不方便居民及車輛設計的紅綠燈及強迫居民使用不方便紅綠燈的石墩而要走二百米的U型冤枉路。弄得我每早上班條頸也要向左後方擰，因為行緊上一百米時是看不到巴士到站否，要隨時預備勁跑二百米。又話說這架84M成十五分鐘才班，因此我們打工一族每早皆準時搭乘同一班車，雖然大家無幾句，但朝朝早見慣見熟，基本上也有點默契，好像搭校／廠車一般一同上班，唔多唔少都有點感情。不過今早，一向有遲無早，超過十五分鐘才一班的84M今天竟然準時七點半殺到。通常早五分鐘到達車站的我向後一瞄，咦！平日見慣見熟的只有四眼西裝叔到站，其他人呢？遙看二百米的起跑點，肥哥哥正在上一百米的盲點位，看不到巴士已到站，藍格裙學生妹聽著walkman也在盲點位，只得四眼哥哥及白裙學生妹看到突如奇來的巴士而開始二百米競跑。
說時遲那時快，四眼哥哥已到了U型轉彎位，就快進入下一百米直路。可惜，真係可惜，今日的特早車令很多人也失預算，所以不是太多人上車。當四眼哥哥到達最後五十米時，巴士已經開出了。白裙學生妹就在七十米放棄了，但四眼哥哥志氣可嘉，向著下一站直跑，又來一個二百米了！坐在巴士上面看著巴士緩緩開出，四眼哥哥急步競跑，心想，跑快點呀！走了一班車要等成十五分鐘以上的啊！又就在巴士開出的同時，看到剛走到U型轉彎位的肥哥哥目瞪口呆的看著早來的84M開出。跑呀跑，四眼哥哥就快趕到下一站了。一定要有人上車呀！幸好下一站巴士站前有另一輛巴士埋站中，阻延了我們的84M一點，終於給四眼哥哥趕到了！勁呀，果真有志者事竟成！下次各位追車一族記著要努力呀！… 繼續內文
分類: 渾渾噩噩
甜夢Ｋ劉更次
轉載自朋友電郵笑話一則，姑且聽之：
就職於某間電訊公司電話查詢熱線的朋友公諸同好的攪笑事件：
電：代表本人 問：代表查詢資料的戌利／粉皮
電：１０８３，有乜野可以幫到你？
問：我想查甜夢Ｋ劉更次電話。
電：甜夢Ｋ係咪屯門區呀？
問：係囉…我要劉更次的電話呀！
電：劉更次係咪醫生呀？
問：唔係呀！佐野果ｄ呀…
電：佐野？ 做野呀？（本人開始好唔耐煩……）
問：咪係囉！ （佢都開始好唔耐煩喇…）
電：咁係咪公司名呀？
問：唔係呀！！！！ 佐野呀…
電：咁劉係咪劉德華個劉呀？
問：劉呀！！！唔係劉德華個劉呀！（本人個心開始少少聲…）
電：咁更係咪更改個更呀？
問：唔係呀……劉更次呀…你係咪鄉趕人黎架？（本人真係火都黎埋…）
電：係咪政府部門呀？（語氣好差）
問：係呀……搵野佐果ｄ呀……
電：你等等啦…
（本人開始苦思呢條粉腸要搵既係乜，５秒鐘後我終於諗到喇…）
原來佢要搵既係…………
勞工處！！！！ 真係眼都反埋…… 繼續內文
理工學店之變賣家檔大行動
早於日前已聽聞過理工的變賣家檔大行動，今天收到《校友網絡》時對詳情簡直為之一振，估不到理工學店的創意無限，連一磚一樹都可以成為贊助物品，以下是贊助詳情：
五百：買到網頁一行字
五千：買到一塊紅磚
一萬：買到冷氣超強燈光超暗蔣震劇院座位一個
萬五：爆秀賽馬會綜藝館座位一個
三萬：樹一棵
以前讀書時已覺得大學有時都幾學店的，某些收費比其他大學貴又服務質素並不比人高（張transcript貴到，都不知是否串通外人要transcript，又不是特別靚，聽聞別的大學張transcript會燙金的……），連add/drop都收費（俾學生轟得多先改了），入面的大樓是隨時可俾人「買起」，現在連磚頭樹木都一樣可以，果真「百川成海；集腋成裘」，「聚沙可成塔；點滴可成河」，在這經濟低迷政府又減資助下，希望這些奇招可替母校殺出一條新血路吧。… 繼續內文
杜鵑
鵑姐係好野，在我意料之內下午火速到港，令我們放假半天，謝謝！… 繼續內文
Native與膚淺
今天很累，因為明早還有更多的東西跟著我，晚上又因為贈券關係去戲院看了差不多從不入場的港產片，套《黑白森林》真的……很悶，很多意料之內，沒驚喜，除了杜汶澤的攪笑我覺得幾好外，套片可以說絕不值得入場甚或買碟看。
回到家看到今日特首金句，又一妙問妙答，十分攪笑！司徒爸問董事長Native及膚淺的分別，問董事長是否想學前主席般鬧人。董事長答得妙！董事長云不知是你的中文太好，還是我的英文太差，兩個字是有分別的。跟著才精采！董：「天真的人就Native，膚淺的人就膚淺！」簡直無與淪比！膚淺華真係無改錯花名！笑死我，明天一定要看看報紙。
這讓我想起前主席的名言：「Too Simple, Sometimes Native!」真係笑死我。
很期待特首下次的本周金句，希望又可以笑餐飽就正！其實局長的妙語連珠也應收錄在內，讓我們笑個夠！… 繼續內文