分類: 生活

　　話說上個星期，阿娘替我們買了張六合彩電腦票，隨票附送今日賽馬日入場券及精英大師棒球帽換領券，心想既然今日沒事做，又不用錢錢入場，就不如去馬場見識一下。話晒咁大個女都未入過馬場，妹子都去過了（因為做功課關係），去便去吧！
　　因為太懶又唔願起身的關係，成十點幾至出發，去到沙田馬場站時已經差不多十一點，心想帽子會否已經換完，卻驚見一餅人正在圍住遠處一個寫著換領帽子的地方。由於整餅人成一個馬蹄形重重圍住換領攤位（那時已經見不到攤位的確實形狀，不知是否已遭撞散），根本就看不出排隊龍尾所在，又見一堆鐵馬圍著那個攤位，再裏面有幾位用了大聲公也沒人聽到他們在說甚麼的警察，一心以為帽子已經換完，便打電話告訴妹子說換不到帽子。剛結束完這個電話，給妹子鬧了兩句浪費車錢之後，場中圍成一餅的叔叔伯伯嬸嬸開始叫囂，粗口當然是層出不窮，而叫夏佳里及黃至剛滾出來的也為數不少，不過最主要的都是報以噓聲。
　　由於從來未見識過此等盛況空前的場面，八八卦卦的我便站在這餅人的外圍湊熱鬧。沒料到原來係呢個時候，警察叔叔已經架起鐵馬攔截外圍的人，我竟然企左係鐵馬範圍之內，成為可以換帽的一群，於是唯有跟這群叔叔伯伯嬸嬸一起迫呀迫去換帽。初時站在人群外圍還要好，但隨著人潮慢慢的撲向鐵馬岸邊，擠迫的程度越加劇烈。這個時候，實在感覺到黑色元旦蘭桂坊人踩人事件為何會發生，也知道人潮管制的重要性。迫得最厲害時，是當你擠在中游位置，後面的人群向前推，順勢向前推至最前排的人群，而前排的人卻被警方的鐵馬狠狠擋住，於是將這股推力反彈回去，就像潮水拍向岸邊被撞回去一般，這兩股向前推及向後反彈的力量，就令擠在中間的人變得像被夾著一般，動彈不得，卻又承受著向前及向後的推撞力，甚麼叫透不過氣，這一刻完完全全感受到。所以這個時候，除左本小姐真的開口叫救命外，也有為數不少的嬸嬸師奶尖叫了……
　　終於都叫換了帽子，卻發覺右手臂瘀了少許，嗚嗚！離開了這像癲了的人潮，終於去參觀馬場了！新建的天幕馬馬亮相區算唔錯，總算夠大不算太擠，不過煙剷程況嚴重，像我這類氣管敏感的可感覺惡頂。去到大看台，也是一大群人，香港原來真的有這麼多馬迷！鐘聲一響馬馬開始競跑，身旁的一群人開始大叫Ｘ號！也有群人叫喊著「爆！」難道是叫爆冷？終於馬馬衝過終點，身旁也有群人說道馬馬跑得這麼快，他們還未看清楚該叫哪隻馬馬編號或想清楚該叫甚麼，馬馬便已跑過終點了，真是混吉。香港，果然乜類馬迷也有……
　　看了兩場馬馬，正準備走人時，門口排隊換帽帽的人群又再叫喊，今趟除了有更多的警察外，還有消防員同記者們，人群又叫囂了，不過已經換了帽帽的我對此情景實在怕怕了，都係及早打道回府吧……… 繼續內文

蠢事二：
　　事緣個多月前在西田百貨，阿娘見到一隻著皮草的羊咩咩公仔，很是可愛，佢又知道我喜歡羊咩咩類型的公仔，便叫我一道看看，睇完後又謂下次減價時考慮買俾我。如是者終於到減價時候，阿爹買左公仔番屋企，當禮物送俾我。由於包裝尚算精美，起初都估不到是甚麼，後來摸摸下開始估到，就問左句：「係咪西田廁所門口果隻？」阿娘話係，咁我話知了。可妹子卻想知道這是甚麼禮物，不停追問，我便答道咪西田廁所門口果隻囉！後來經不住她的發問，終於將禮物拆開，看到著皮草的小羊……
我：係咪好得意呢？
娘：幾Cute架！
妹：乜呢隻係羊咩？點解我覺得似狗……
爹：著皮草喎。
娘：著皮草的羊咩咩嘛……
妹：但我都仲係覺得佢似狗……
我：無角，不過係羊黎架，等我睇過。（於是拿起著皮草的小羊反轉一看……）
我：……
爹：做咩呀？唔係羊咩？
我：佢……真係一隻……個招牌寫著……I AM A HANDSOME HOUND SHEEP DOG……
妹：我都話狗黎架啦！
爹：乜真係狗黎架？
我：呵呵，算啦，牧羊狗都同羊有D關係的，著皮草都幾Cute呀……（搵藉口掩飾自己的無知……）
妹：狗就狗啦……
爹、娘：呵呵呵呵呵……（一於裝作無知借頭借路閃了）
　　就是如此，羊群公仔中出現了一隻牧羊狗了！… 繼續內文

　　終於過了忙碌的年結埋數時間，現在開始可以鬆一口氣了，也可以慢慢調較一下自己的步伐，放慢一點來生活，鬆一鬆、抖一抖，不要將自己迫得這麼緊。
　　好，今日要講最近發生的兩件蠢事……
蠢事一：
　　話說某日食飯的時候，電視正播放最近大熱的老鼠愛大米歌曲廣告，爬爬下飯的我無無聊聊地……
我：喂！阿妹，呢隻歌幾適合你，老鼠愛大貓，幾正呀！
妹：咩呀……
我：老鼠愛大貓嘛，你老鼠（妹子肖鼠）鍾意大貓（我家隻大貓公仔）囉。
妹：……
我：老鼠都會愛上貓喎，哈哈……
妹：老鼠愛大米呀家姐，係大米唔係大貓呀！
我：咩話？米咩？（衰左……）新歌唔知添，呵呵呵！（以笑遮醜）
妹：首歌好耐架嗱喎……
我：係咩？呀好似係，好似鬧話咩鬧雙胞兩個人爭唱呀嘛，等我得閒去搵首MP3先……（仍然死撐）
爹：哦，兩個歌手版本的MP3我都有，你駛唔駛要？
　　至此完完全全OUT晒的我表露無遺，無話可說，繼續食飯……
　　蠢事二待會續談……… 繼續內文

　　滿以為過了三月尾埋年結四月開年寫字樓的生活會好一點，豈料姑姑大發神經，日日給大鵰跟肥嘟嘟尚宮無限個Task，佢張Wish List可以Wish完又Wish，不是說過得三個願望的嗎？姑姑，三個之後又三個，就快五十個都黎緊了！Wish乜鬼，虛偽，Order List就Order List啦！仲要大家都知道現在這堆所謂Wish List要砌的Schedules最終可能一個也沒有用，日日拿住公司本Annual Account左鑽右研，就快每個Annual Account的Item都會有一個起碼Schedule Support了！真係無聊，交俾Auditor咪得囉，係都要Show Off話佢對公司業務瞭如指掌，實則連公司某些業務做乜都未知，宜家已經唔興咁鋒芒畢露架嗱，我都係寧願做個幕後玩家，做路邊令人扒街的絆腳石好過……
　　一向無乜兩句兼恨之入骨的大鵰這星期一反常態拍晒膊頭懶親切，心諗我同你好熟咩，扮乜野呀！呢個商業社會就係你虞我詐，個個人都係自私、自保，係肥嘟嘟尚宮仲係咁天真，摒著「家家有求」的心態於是成日俾人蝦……
　　四月頭都發生不少事件，教宗若望保祿二世病逝，令到查理斯跟卡美拉的婚期也得改一改；家中病人事件尚未解決，不過大家也都接受了並發展出既來之則安之的心態；四月一日捐血捐到面青青，嚇了肥嘟嘟尚宮一跳；西田百貨可能六月之後被迫遷……
　　願天從人願，生活過得愉快一點……… 繼續內文

　　繼續在家發霉，攪惦屋企那幾個Monitor，呢個搬去果度，果個搬去垃圾房，再等個新來的再安番佢，LCD Monitor，公司幾時才首肯俾我們可以買個LCD Monitor呢？家中那個老爺CRT Monitor終於被淘汰掉（也因為俾我們打殘了），屋企已經全面進入LCD Monitor時代了！
　　Third Watch終於宣告玩完，以後無Bosco的發癲表演，遺憾！果隻一千零一隻超人特工隊Gameboy因為唔記得左個密碼，又要由頭打過，打來打去都仲係起初版圖，繼續變成擺設……一陣子沒去，BeTrapped竟然有Online版玩了！繼續承集Inspector Parker系列，繼續我那堆無聊小遊戲去打發時間，繼續發霉……
　　星期一被老闆肥仔誠邀出席珍禽異獸大會，跟一眾禽獸唔知攪乜，無眼睇，期望大鵰果日著好些，唔好等以為假期就著到成件工友咁款，好鬼肉酸，有失佢身份兼影響市容。好，繼續發霉……… 繼續內文