今時今日,咁o既服務態度點得o架?

  不要說我唱衰香港飲食業,但昨天跟今天所遇到的兩間食店的服務,真的是絕對需要改善!
  先說昨天的午餐。前日跟友人吃完日本料理,覺得價錢及美味程度可以接受,便帶了我家妹子去幫襯,等其整牙前吃一下較高級料理,因為我家一向都不會吃這些,出街食飯頂多去快餐店,阿妹整牙後肯定有一陣子沒胃口吃東西,現在多帶她吃東吃西作補償。這間要被我點名批評的食店位在沙田新城市廣場地下名咖啡店對面叫雪X乜乜的日本食店,說裝修及其他屬一般水平。
  事緣在等點了茶等待期間,侍應生剛要為鄰檯上茶,但她又不出聲叫我借借,致令其不夠位過,她又捧不穩東西,結果一碗麵豉湯淋了在我身上!之後成店的侍應個個好似傻了般企係度望住我,望乜?仲唔幫手?只得那個姐姐仔立刻拿了紙巾及毛巾起勢幫我抹,個貌似經理都有幫下手o既……不過她們抹完一輪後完全當無事發生過般行開了。唔係呀嘛大佬!雖然你碗麵豉湯唔夠熱,無燙傷我(其實隻手都紅左一陣,因為碗湯始終係熱湯),駛唔駛當無事發生過?第一攪成個客咁理應收錢俾番個折呀?唔俾折頭都算,咁俾杯free drink都不算太過份,作道歉補償嘛,你攪到個客咁喎!都唔俾都算了,幫我換個個位都得啦!都唔識做,真係完全當無事發生!真係激氣呀!上次同班friend去唱K,朋友俾玻璃碎(上手留下,掃唔乾淨)割傷小小,人地個經理立即送果盤及俾折頭,咁先係做生意的態度,客人先會順嘛……呢間舖唔駛旨意我會再幫襯!
  點名批評食店之二位於灣仔合和中心低層,今天去飲茶下單叫食物竟等了差不多廿多分鐘才上點心,而那些點心只不過是出面擺檔隨時叫的款式,即係在出面拿入來便可以,等了這麼久!明知午市個個趕住食完做野嘛!更離譜是叫了一碟炒麵等了差不多一小時也不來,期間起碼叫人追了四、五次,每次個侍應好似無反應,叫佢追之後好似無回事,最後在甜品都食完叫佢取消之際竟然捧碟炒麵出來!趕住走點食呀!仲要態度非常之差喎!
  真係學華仔話齋:今時今日,咁o既服務態度點得o架?我都唔係好過份o者?我只係要求些合理的待遇之嘛!

發佈留言

發佈留言必須填寫的電子郵件地址不會公開。 必填欄位標示為 *

*