自零七年開始連續去了四年日本之後，今年早在311前已決定要去別的地方一遊。一星期左右的假期時間不算太長，而妹子對祖國湖光山色談不上興趣，東南亞也都看不上眼，便決定衝出亞洲，去歐洲闖一闖。由於兩姐妹都沒有車牌，工作忙碌也都沒時間編自由行，最實惠的方法，莫過於來一個X天X國走馬看花鴨仔團。經過之前的一輪夾價夾出發時間，最終選了「Cheers」旅行社的十二天西歐團，雖說十二天，但頭尾兩天皆是搭飛機，實際都只有十天罷了。
往歐洲的飛機大多是夜晚或零晨飛的，所以今天早上仍舊上班，盡最後努力Print Report趕埋數，下午回家執拾執拾。由於爹娘屋企廚廁裝修，許多東西都放置在我家裏，現場一片凌亂。歐洲天氣仍算有點涼，帶了長袖衫偏多，還有水煲杯麵等。待妹子回家吃過晚飯洗完白白，便乘機巴出發。到達機場約九點三，跟領隊團友見過面寄完行李，影了兩張相便入閘了。「Cheers」旅行社的團章竟然是那個瀛仔，一見到佢就令我諗起白頭佬個「Cheers」樣，實在有點影響心情。
第一天就算計算埋時差關係的七小時，其實都不足半天，為何不可以跟最後一天拼合收一天導遊費呢？算了，一眾旅行社都是如此收費的，可能帶長線旅行團辛苦一點要補補吧。入閘後又去美食天巡視一周，發現最旺場的仍然是老麥，看看價錢牌，最經濟同差價小又的確只有佢。閘口17很快就行到，用Facebook打個卡後，便上機了。第一次坐長途機，究竟會唔會睡不著呢？答案當然是不！吃過飛機宵夜後，連回帶機也看不到一集便睡著了……