柯跌打到訪

  本週又見到柯跌打來訪,今舖來的柯跌打都幾阿伯阿叔FEEL。其實今次班柯跌打來,並不是柯跌我做那範,而是研究隔離組別有關市場定價的問題,至於點解會請班柯跌打來玩呢一範野?唔好問我,我都唔知點解母公司會請柯跌打來研究定價,我以為定價問題一向係MARKETING加MANAGEMENT ACCOUNT組玩的。本來無諗過柯跌打會搞到我果範(都未埋年,咁早來有野畀佢地睇至奇),但阿叔失驚無神跑左過來話借FILE借VOUCHER睇,結果搞到我班STAFF出現一陣莫名其妙驚慌。被借FILE的師奶尤其緊張,不停說死啦死啦未FILE齊野會否被人問,我說做乜咁緊張呀?你都係做自己野,咁緊張只會會令人誤會你真係做左衰野,仲查多你兩野啦,於是就變成我去會一會呢位阿叔。
  這位阿叔貌似新馬仔(師奶同事們改的),拿住條數問長問短,成日要人拆BREAKDOWN,我心諗BREAKDOWN就無啦,年尾忙埋數先來問野,想BREAK AND BURN就真,但又不可得失柯跌打,唯有裝出一副極度合作但又愛漠能助的姿態,加上一堆講左我都唔記得亦唔知道自己講左乜的解釋,再加上一堆求求其其拉PIVOT出來的SCHEDULE,終於將新馬仔打發掉,我們暫得安寧。話時話,我覺得新馬仔都唔多知自己想要D乜,這也是當柯跌打的通病,而因為自己以前當過柯跌打,對於問CLIENT拿BREAKDOWN問解釋等習以為常,也明白對方的難處,今日易地而處,也明白大家都是做事,無謂為難對方啦。

發佈留言

發佈留言必須填寫的電子郵件地址不會公開。 必填欄位標示為 *

*