好耐無試過咁氣頂，近日工作諸事不順，還要聽到些好礙耳的說話，氣頂指數簡直爆晒燈！也由於老闆的一句話，刺得直入心房，也又再想起那堆改變想法的說話……
「你叫Client解到你係個Junior都明，咁我係經理到時實明啦！」出自舊老闆河馬經理（又被我稱為變態經理一號）之名句，當時無端端被河馬經理叫作為Junior的我去做些高我兩、三個level的工作，簡直一頭冒水不懂從何入手，沒料到還給河馬經理一句刺埋來，簡直火起萬丈，我懂怎麼做就應該收經理的人工啦！從此只要被屈做些不懂也不合層次的工作，就會想起那時情景，當學多些東西盡所能去做，不過做不做得到是另一回事，做不到又如何，就是不懂嘛。
「你宜家係咪唔幫先？」都係河馬經理的名句，由此可見河馬經理都算係改變我人生觀的其中一個重要人物。係好唔合理的情況之下再度被屈做事，也是氣頂上心頭，於是有了「幫唔到咁點幫先？」之名言回應，也因為這句說話練大左個膽，開始有一言九頂的情況發生。
「無乜野，下次小心D。」小人呍呢嗱篤完人背脊還好不識趣驚死人唔知佢篤背脊般爆左句咁說話，初時聽到也覺十分氣頂，因為有人篤自己背脊，不過現在諗番轉頭，只會一笑置之，笑怎麼有人這麼蠢，篤完人背脊卻在此地無銀，簡直白痴到極點，引以為笑話！也令自己的「又如何」想法加深，給人篤背脊又如何？篤吧，睇下你死先定我死先囉。
「你唔好老闆講甚麼都話做唔到啦！」估唔到睇落好人的老闆迪迪都爆左句咁說話令我氣頂指數一時無兩，有些事情一開波已經知道是做不到或錯，好心咁同你講做唔到等你襯有時間再諗過第二條「橋」，你卻一句回彈過來，好！講左好多次做唔到同攪唔惦唔聽，我以後都唔會再提你們做不到的事情了。以後樣樣事情我都說好，不過到差不多Deadline時我就只會跟你說，今次唔惦了或者今次要爆鑊了，係咁先。
總之這些名言聽後就令我「頂頂頂」！成世都記住以作警惕。