公司的大裝修計劃正進行得如火如荼，所以大家的寫字檯一移再移，搬完又搬，說老實一點，玩咩？今天搬完大老闆不滿意又搬過，既然這麼不高興，有請大老闆你一早指示明確，你想點玩我們這班馬仔咪跟你點玩囉。現在不是砌積木，下下搬檯搬櫃你估講玩？我們的時間不是齋為了你個人喜好……都唔知點攪的？正常辦工時間就左搬右搬，攪到非辦工時間個個做義工留堂，真係好想爆粗鬧一句：你玩夠未呀？
同場加映一：從新聞組得知前些陣子換的Qoo水晶球型音樂盒出現Qoo生痄腮事件，起因懷疑是Qoo的油上得馬虎，在水晶球內被水浸了一段時間後出現水泡。嗚嗚！我的Qoo頭上也像出水痘般生了粒粒！櫻樹都係咁，可口可樂公司你要賠償呀！
同場加映二：今天跟友人打完波後一時興起，齊齊支持賭波合法化小注怡情，行到櫃台的售票姐姐竟問我們夠十八歲未？唔肯賣票給我們，要我們出示年齡證明！噢賣葛！那又是，我跟友人打完波一身Sports Wear又加上生得矮，睇真D又有點不像，我們笑問那位姐姐估下我們幾歲？結果呢，唔知乜叫三串七的情況之下，中左一場，我想都會有三十幾蚊收掛……