HELLDESK

  話說今天正打算去公司的內聯網下載今個月的糧單及上個月的強積金供款紀錄,糧單下載沒甚問題,但強積金供款紀錄一按DOWNLOAD鍵就出現ERROR MESSAGE叫你打去HELPDESK查詢。如是者試了三次皆出現同樣問題畫面,便唯有打去HELPDESK查詢。HELPDESK男接報後首先就說三月未供款,沒有強積金供款紀錄的。其實我現在的職責就是負責搞公司的強積金供款,當然知道三月未供款,但我想DOWNLOAD的只是上個月的紀錄。接著HELPDESK男又叫我試下REBOOT部腦試下,我話有野做緊,唔得閒REBOOT住,咁佢就畀個CASE NO.叫我等陣REBOOT試完再告訴其結果等佢可以CLOSE CASE。我試完REBOOT再試埋用第二部電腦去DOWNLOAD但結果一樣出ERROR MESSAGE,於是我畀埋SCREEN CAP佢叫佢研究一下發生甚麼事。隔了一會兒我終收到HELPDESK男的電話,滿以為佢告訴我解決方法,點知……

男:係咪王小姐呀?MPF啲野係咪可以問你?求先有另外一個王小姐打來話DOWNLOAD唔到張STATEMENT呀,你哋供款果度係咪出咗問題呀?
我:……(我咪就係果個王小姐囉)無野呀,我哋供款果邊無問題出過喎。
男:但個STAFF話DOWNLOAD唔到喎,唔係問你哋果邊咩?
我:我哋會計部負責供款,但三月都未供款,所以應該唔關事喎。DOWNLOAD紀錄應該由系統管理部果邊同事搞喎。
男:係呀,咁等我問下果邊先。

  成個電話傾完,HELPDESK男似乎完全沒有發覺此王小姐正是彼王小姐,難道他沒有發現電話號碼及聲音是完全相同的嗎?結果講完呢個電話之後,問題仍然是未解決,果真有HELLDESK的效果……

發佈留言

發佈留言必須填寫的電子郵件地址不會公開。 必填欄位標示為 *

*