己所不欲.勿施於人

  今日工作上又跟人開火了!一年一度埋數時期,平日無乜交流的隔離組嘉露蓮在我老闆的房門口踱來踱去,都已經說過我老闆去了開會不在,這位姐姐就繼續在此踱步。終於老闆開完會回來,這位姐姐就擺出大興問罪之師的款,將一張CREDITOR名單放在我們組面前,怒說我們不去CONFIRM這張CREDITOR名單。其實之前佢拿張CREDITOR名單過來,我們已經CONFIRM左堆數一次,確保堆數無入漏無入錯,還嗱嗱聲去整左幾張TRANSFER VOUCHER將撥錯ACCOUNT的數執番好,怎料這條阿姐竟然指著一堆大家都莫名奇妙的數叫人CONFIRM。喂,這幾隻野無人CONFIRM,你地快些CONFIRM埋佢。頂!果幾條問完都無人認領,係一堆所謂萬年沉底的廢物,不外乎一些找完數的些微餘額,無人走去CLOSE ACCOUNT,既然無人認領,怎麼會是我組負責!話晒呢埋ACCOUNT都係這件八婆果組負責作審核然後開ACCOUNT的,我們組只是在收款時處理堆VOUCHER及開單,有乜理由無人認的廢物就要我組接收,搞錯!離譜!
  潑婦一向都不怕罵街的,我於是同佢嘈:「有冇搞錯呀,垃圾就倒晒過來,咁你果組做乜審核呀!」我只差未將「八婆」同「賤婦」搬到出口。不過,不是潑婦的我老闆為了息事寧人,決定食死貓接左果幾隻萬年廢物回來,跟住問我點算。我話我一向最討厭成為垃圾桶,既然堆萬年ACCOUNT無人認領,當然全部收歸國有,將成堆垃圾拿去焚化,仲要有咁快得咁快,我最討厭垃圾的了。己所不欲,勿施於人,各家自掃門前雪,八婆你最好唔好有野要求我地組,如果唔係你一定死硬,等著瞧!我信天有眼的!

發佈留言

發佈留言必須填寫的電子郵件地址不會公開。 必填欄位標示為 *

*