啤梨強

板東律子登場!  自從妹子迷上了Pinky Street後,佢個八寶盒已經有好多隻,又為了買凌波麗同明日香兩隻Pinky cross Eva系列,多買了X號同Y號一次,所以就給了我一隻,於是乎我的律子就登場了!這隻Pinky的樣子令我想起陳年日劇《海誓山盟》裏面主角美香的家姐板東律子,所以起了這個名字,以後得閒又可以同公仔影相相了。
  星期日的新城市廣場簡直係人多到爆,爆得實在太要緊,拍賣交收完速速閃人,番歸去了樓下間超慢麥記試食那個藍莓新地,開左咁耐此麥記的慢還是絲毫沒有改善,櫃台班人全部都好似發緊夢咁款,廚房班人整完一輪就好似收工咁款係度休息,以前當過麥記卒仔,呢間麥記個經理實在係唔得,下面班人咁款都唔嚴加管治。有三個counter但三分鐘還未處理好前面買緊果三個人,我就只係等前面那對夫婦已經等了五分鐘!簡直離譜!繁忙時間去這間麥記絕對可以激死你!新出品的藍莓新地實在係好難飲,我實在唔應該為左那一小舊雪糕去捱那杯藍莓汽水,早知買菠蘿特飲好過!那杯藍莓簡直有飲緊藥水的感覺,好惡頂!

閃閃發亮的啤梨強!

  Qoo網裏的啤梨強已經變得很大粒了,還會閃閃下的,好cutie啊!不過市面上有附送Qoo遊戲卡的Qoo之乳酸已經近乎斷市,已經無法替Qoo拿那些古怪飾物和加分勁飲Qoo了,我想啤梨強會保持現狀直至呢個Qoo蔬果園執笠為止。

發佈留言

發佈留言必須填寫的電子郵件地址不會公開。 必填欄位標示為 *

*